JOIL 2:20 - Tanou Moonsoi Timugon

²⁰ Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

JOIL 2:20 ပူးပေါင်းရင်းမြစ်များ

2 RAJA'-RAJA' 8:13

Kon ri Gajail, “Kalo lair masauk aku ra ulun makakuasa'! Aku ti sala' ka ulun maatang!” Kaa' taam i Ilisa, “Tuhan nambala' noyo raki' ra okou masauk ra raja' ru pagun Siria.”

MAZMUR 126:3

Tuhan no pana nambaal ritakau ra babaal ondo' makaimuag; ginio sabap ra itakau maansukan!

KAINGKUALAN 10:19

Ginio ra kulawo' ru Tuhan tampilon ru angin sirangon saboi nasauk ra angin kalasaan ondo' mapuor kaga'. Siniob gapu'-gapu' no ru angin no am inibit ra Raat Galaga, kolondo' boo sanginan pana ra gapu' no natatang ra titikop ru tana' ru Misir.

KAINGKUALAN 8:14

Timungo' ru ulun ru Misir baangkai ru antit no saboi paribujuk, saboi mootong titikop ru pagun.

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

YEHEZKIEL 47:18

Balitan giu' ra sirangon mongoi ra rabugus, intor ra rondo' intok lolot ru pamarintaan Damsyik am pamarintaan Gauran. Sungoi Jordan noyo balitan ru tana' Israil tampilon ra kalasaan, am Giliad tampilon ra sirangon, saboi ra bandar Tamar giu' ra nagas ru Raat Matoi.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

JAKARIA 14:8

Paat orou raginio, timug ondo' mangani' ra kaayagan tumilis intor ra Jirusalim; sampiruo intor ra timug no tumilis mongoi ra Raat Matoi, am sampiruo poyo tumilis ayuk buoi ru bilor, bulintok tampio am niayuk bulintok rumasam.

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

SAGULION 11:24

Ngaangai' tana' ondo' kinjangin min masauk ra longgom min. Wilayah min malangka', intor ra tana' kaagisan giu' rabugus saboi ra kagunungan Libanon giu' ra ralayo, am intor ra Sungoi Iprat giu' ra sirangon saboi ra Raat Tanga' giu' ra kalasaan.