JOIL 2:2 - Tanou Moonsoi Timugon

² Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

JOIL 2:2 ပူးပေါင်းရင်းမြစ်များ

MAZMUR 10:6

Mindagu ilo ralalom ru guang, “Kalo lumuku akai; kalo mokoowot akai ra kapaganan.”

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

KAINGKUALAN 10:14

Ratong gapu' ra sampanon ra mangaayo saboi nakatikop ra titikop pagun. Kalo igondo' pakakito ulun ra kinasuang ru ginio, am kalupus ginio pana baal raginio kalo boo nasauk.

KAINGKUALAN 10:6

Mototop ru gapu' istana muno am baloi ru pagawai muno, am niayuk baloi ru ngaangai' mamagun muno. Karaat ragitio makalalaa' poyo intor ra atan ondo' nailian ru kinamatuaan muli.’ ” Talikur i Musa am ugar.

KAINGKUALAN 20:21

Kaa' ulun raginilo lakat poyo migor maalur intor ra giu' no, am i Musa ayuk mininggaar ra gaun makapal intok i Aki Kapuuno' minatong.

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JISAYA 8:22

kapoam manginduku' ra ragana', kolondo' atan-atan makito ondo' ak am kapaganan am kalandaman am niayuk kasilukan ondo' kumapit. Patirin ilo ra intok molondom kaga'.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 13:6

Kukula' buoi raiti nanusub Tuhan raki' mongoi poyo ra Sungoi Iprat koson mangalap ra tapi' mariwa' no.

SULABOI 1:12

Golok io ra moonong ulun ondo' mansail ra giu', “Ilai' aku no. Kalo kia igondo' osoi pana naimbolo' koson raki', kaimbalaan ondo' pinaratong ru Tuhan raki' sabap ra sangit Nano.

YEHEZKIEL 32:7

Paat ra Aku mamuso rirun, siliin Ku limbowon am mampalasa' ra ngaangai' butitin. Mato ru orou libungin ru gaun, am bulan pana kolondo' boo sinda.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

YEHEZKIEL 38:9

I Gog am saujor nano, am niayuk masuang bansa' ondo' namaya' riso mamulunsar koson ra bagiu' mapuor am rasam maawas am mampalibung ra titikop ru pagun no koson ra gaun.”

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

JOIL 1:6

Rondo' bansa' namulunsar noyo ra pagun takau; bansa' ondo' maikang am kalo mauntob suang nano; ripon nilo malarom koson ra ripon ru singa'.

JOIL 2:25

Paaligon Ku ngaangai' nangalubat ramuyun ra bilor-bilor bulintok ra gapu' nangakan ra ampos ru tinanom min. Aku noyo ondo' nanusub ra sampanon ru gapu' no nantipagon ramuyun.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 2:5

Paat ra gapu' morop giu' ra tampak ru gunung, gapu' satulindak koson ra kurita' kuda, am manguripit koson ra sakot mapua' ra nosolob. Gapu' timininting koson ra saujor ondo' nakatampos koson mamulunsar.

JOIL 3:4

Atan kia ondo' kinamin mu baalo' Raki', okou Tirus, Sidon am titikop ru wilayah Palistin? Kuminam kau kia mansuli' Raki'? Amon ru koson poyo raginio, balasin Takamin ra mataki'.

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

JAKARIA 14:6

Paat raginio, kolondo' boo bulintok masimu' am kolondo' bolobou ondo' kumotog,

MATIUS 24:21

Sabap ra kalaatan ru paat raginio kalo igondo' nasauk intor ra tana' ti biningkal saboi raino am kalo boo masauk saguli'.

MARKUS 13:19

Paat raginio tumalimpuun kaimbalaan ondo' kalo igondo' kasauk ra tana' ti, intor ri Aki Kapuuno' nambaal ra tana' ti saboi raino am kalo boo baalon.

SAGULION 32:7

“Karaa' noyo paat ragili, galing i poyo; kitaako' ama' min mantunung raginio ramuyun; kitaako' ulun matutuo mantunung ra tunung ragili.

IBRANI 12:18

Akau sala' ka koson ra ulun ru Israil ra galing i. Ilo nakainggaar ra gunung Sinai ondo' makambong ru ulun, makaapui nanimbula', makakalandaman am poyo bagiu' mapuor ondo' nalimanan nilo.

JUDAS 1:13

Koson ra kinulun mapuor ru raat manamputa', ilo mampakito ra baal nilo ondo' makauyuyu'. Ilo ti koson ra butitin ondo' pabanding-banding, ilo inaru' noyo ri Aki Kapuuno' ra intok molondom kaga' suku' ra mantilayun.

PINAINTALANG 9:2

Ginio ra ukabo' ru butitin no intok no am buun ru lisun intor ra ralalom no koson ra lisun ru kataunan mosolob. Mato ru orou am limbowon no liminondom sabap ra suang ru lisun intor ra giu' i.