JOIL 2:10 - Tanou Moonsoi Timugon

¹⁰ Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

JOIL 2:10 ပူးပေါင်းရင်းမြစ်များ

MAZMUR 114:7

Okou tana', ponontol no ra saang ru Tuhan, ra saang ri Aki Kapuuno' ondo' sambaan ri Jakub,

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JIRIMIA 4:23

Tantangin ku tana' ti – makito ra kolondo' atan pana am mapua'. Tingaanon ku limbowon – kolondo' noyo sinda.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 3:4

Atan kia ondo' kinamin mu baalo' Raki', okou Tirus, Sidon am titikop ru wilayah Palistin? Kuminam kau kia mansuli' Raki'? Amon ru koson poyo raginio, balasin Takamin ra mataki'.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

RINALATAN 2:20

Mato ru orou lumondom, bulan lumia' koson ra raraa', ra kalo poyo Orou ru Tuhan, orou ondo' maayo am maatang toojo no rumatong.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

PINAINTALANG 9:2

Ginio ra ukabo' ru butitin no intok no am buun ru lisun intor ra ralalom no koson ra lisun ru kataunan mosolob. Mato ru orou am limbowon no liminondom sabap ra suang ru lisun intor ra giu' i.