JOIL 2:1 - Tanou Moonsoi Timugon

¹ Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JOIL 2:1 ပူးပေါင်းရင်းမြစ်များ

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 87:1

Mazmur ru bansa' ri Kora. Rondo' rimbai. Namangun Tuhan ra Bandar Nano giu' ra bulur ondo' matulai;

KAINGKUALAN 10:14

Ratong gapu' ra sampanon ra mangaayo saboi nakatikop ra titikop pagun. Kalo igondo' pakakito ulun ra kinasuang ru ginio, am kalupus ginio pana baal raginio kalo boo nasauk.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 13:9

Orou ru Tuhan no matong, am paat raginio mampaabus Tuhan ra sangit Nano ondo' makalalaa' kaga'. Tana' ti masauk mapua', am moonong ulun makatula potoyon.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JIRIMIA 16:10

Paat ra okou mampasaboi ra ngaangai' ru baal ragitio risilo, mangkuot ilo sabap ra namatas Aku koson mangukum risilo ra maagat kaga'. Mangkuot ilo intor ra kasalaan am tula nilo Raki', Tuhan i Aki Kapuuno' nilo.

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

JIRIMIA 4:5

Samputi' noyo bujung giu' ra titikop pagun! Golok no ra mosongou am matalinaasan. Susubo' noyo mamagun ru Jiuda am Jirusalim magiru' ra bandar-bandar mokoondo' ra kubu.

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

YEHEZKIEL 12:23

Ginio ra balai' ilo ra Aku, Tuhan Raja' nangani' ra taam ragitio: Pusoon Ku panginuuyan no saboi kalo boo raguon giu' ra Israil. Kaa' balai' ilo ra nasaboi noyo paat ra ragu-ragu manala' no masauk.

YEHEZKIEL 21:12

Okou ulun mapandai matoi, panulaboi no am pampiau, sabap ra ilang muno pakayon koson manggal ra ulun Kuno. Ngaangai' tingganai ru Israil potoyon mababaya' ra ngaangai' ulun Kuno. Luntugo' kubab sabap ra nangkaus guang.

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

YEHEZKIEL 33:3

Paat ra magagalung no makakito ra pantula' matong, samputin no bujung koson ra tatandu' makalalaa' maa' raginio ngaangai' ru ulun pagilalain.

YEHEZKIEL 33:6

Kaa' amon ru ulun magagalung no nakakito ra pantula' matong am kalo mampagia' ra tatandu' makalalaa', matong boo pantula' am mamatoi ra ulun makatula, karaan Ku ulun magagalung no mansaan ra pinatayan nilo.

YEHEZKIEL 7:10

Orou karaat ra tayar ru Israil mamaar noyo. Pampatayan gumaai-gaai. Kalimbawan nokopolos ra tampak nano.

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

DANIL 9:20

Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

GOSIA 5:8

Samputi' bujung giu' ra Gibia! Kosongowo' bolos ru tatandu' mampiau mangayou giu' ra Rama! Golok no ra golok ru pangayawan giu' ra Bitil! Jalai no mangayou akau bansa' ru Binjamin!

GOSIA 8:1

Indagu Tuhan, “Kosongowo' bolos ru tatandu' makalalaa'! Pantula' tatanga' mamulunsar ra pagun Kuno koson ra susuit kanui manumbit ra akanon nano. Ulun Kuno liminungkang ra nabantuan Kuno risilo, am minanggal ra ukum Kuno.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

JOIL 2:15

Samputi' bujung giu' ra Bulur Sion; panusub no koson mampali, am baalo' rondo' pantimungan.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

JOIL 3:14

Riribu ulun soroi giu' ra Limayak Pangakiman. Giu' no Orou ru Tuhan matong ra mataki'.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

AMOS 5:18

Aibui boo ramuyun ondo' mangkukuliman ra Orou ru Tuhan! Atan kia onong ramuyun orou raginio? Orou raginio iono orou ondo' molondom ayuk am sala' ka orou ondo' matawang ramuyun.

AMOS 8:2

Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

OBAJA 1:15

“Mamaar noyo orou no, paat ra Aku, Tuhan mangakim ra ngaangai' bansa'. Akau ulun ru Idom, atan ondo' binaal min, baalon niayuk ramuyun. Balasin kau nontopot koson ra atan ondo' binaal min.

JIPANYA 1:14

Orou pangakiman ru Tuhan mamaar noyo, sotopot no, orou raginio mamaar noyo kaga' am matong ra mataki'. Orou raginio natikop ra kangilukan, saboi saujor-saujor ondo' maikang kaga' pana lalaur sabap ra malumpus guang.

JIPANYA 1:16

Monsongorou no morongog bolos ru bujung am golok ru pangayawan intor ra saujor-saujor ondo' mamulunsar ra bandar-bandar mokoondo' ra kubu am manara-manara masawat.

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JAKARIA 14:1

Mamaar masaboi paat ra Tuhan mimbuor koson ra akim. Paat raginio Jirusalim takawin ru ulun, am kuliamos tokowon no tatayaron ra talupak ru mato nilo galama'.

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

UNTABAN 10:2

“Pambaal ruo bujung intor ra pirok tinuyu' maa' raginio pakayon koson mampiau ra ulun ru Israil tumimung am manusub risilo mugar.

UNTABAN 10:3

Amon ru karuo-ruo bujung no samputin kaawaron, ngaangai' ulun ru Israil musiti' tumimung ra liput muno, giu' ra saang ru kulobon ru Kim Kuno.

1 KORINTUS 14:8

Kapoam tarumpit, amon ru bonyowon ayuk samput no, osoi saujor tumampos mongoi ra pangayawan?

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

1 TISALONIKA 5:2

Sabap ra akau galama' nakapandai toojo ra ratangan ru Tuhan no ra pulali' kon ayuk, mogondo' ra ratangan ru sangulun mantatakou paat ra io rondom.

JAKUBUS 5:8

Moonsoi ru akau pana mataan am pai' kano kalawo guang, sabap ra orou ratangan saguli' ru Tuhan mamaar noyo.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

PINAINTALANG 6:17

Orou ilo mangukum no tumalimpuun noyo am osoi kia tumaan no?”