JOIL 1:8 - Tanou Moonsoi Timugon

⁸ Akau ngaangai' ulun, pantangi' kano, koson ra ralaa ondo' nanulaboi ra pinatayan ru tamung nano.

JOIL 1:8 ပူးပေါင်းရင်းမြစ်များ

AMSAL 2:17

Ruandu' no kalo gumagaya' ra ralaki nano, am nampalilian ra bantu' nano ri Aki Kapuuno'.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

SULABOI 1:4

Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

JAKUBUS 5:1

Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.