JOIL 1:7 - Tanou Moonsoi Timugon

⁷ Puun ru anggur takau pinuso noyo, am puun ru ara takau pinandak. Kulapa' ru puun tataun inanit, saboi raan-raan nasauk ra mapulak.

JOIL 1:7 ပူးပေါင်းရင်းမြစ်များ

MAZMUR 105:33

Pinuso No umo ru anggur am puun ru nunuk nilono, am niayuk linuar no ngaangai' ru puun tataun ra giu' no.

KAINGKUALAN 10:14

Ratong gapu' ra sampanon ra mangaayo saboi nakatikop ra titikop pagun. Kalo igondo' pakakito ulun ra kinasuang ru ginio, am kalupus ginio pana baal raginio kalo boo nasauk.

KAINGKUALAN 10:15

Natikop ra gapu' ralimbou ru tana' saboi makito ra maitom tana'. Nangakan gapu' ra ngaangai' ondo' kalo nalupis ru rasam batu, nakaaya' ngaangai' kawa' ra puun tataun. Titikop pagun ru Misir, kolondo' rondo' pana ondo' masansam soroi ra puun tataun kapoam tutuu'.

JISAYA 24:7

Puun ru anggur lumonot, am buoi-buoi no wain pana maawai. Ulun ondo' maansukan ra galing i ragino malumpus guang.

JISAYA 32:12

Tangii' noyo umo-umo mino ra malabung am umo ru anggur mino ra napuso noyo.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JIRIMIA 8:13

Moogot Aku manimung ra ulun Kuno koson ra ulun manimung ra ampos ru tana' nilo. Kaa' ulun Kuno koson ra puun ru anggur am puun ru ara ondo' kalo nangkawa', am poyo raun-raun no pana nolonot noyo. Ginio sabap ra Aku nangiou ra ulun bansa' bokon matong am manguasa' ra pagun nilo.”

GOSIA 2:12

Ukumin Ku io sabap ra nakalilian io Raki'. Monolob io ra kaminyan tayar ru Baal, am malimpor io ra kuliamos mas koson mangilou ra ambai-ambai nano. Aku, Tuhan nakaindagu noyo.”

JOIL 1:12

Puun ru kikinawa' giu' ra umo liminonot noyo boo ngaangai'; puun anggur, puun ipol, puun ara, puun kurma am puun dalima', mamagun pana kalo boo maansukan.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.