JOIL 1:4 - Tanou Moonsoi Timugon

⁴ Sampanon ru gapu' ondo' kalo mauntob suang no minorop giu' ra umo-umo am nangai' ra ampos no. Atan ondo' tinatang ru sampanon ra gapu' no, sinaliir ru sampanon ra bokon poyo.

JOIL 1:4 ပူးပေါင်းရင်းမြစ်များ

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

2 TUNUNG RU BANSA' ISRAIL 6:28

“Paat ra bitilan am maruol tumapik masauk ra pagun ti, kapoam tinanom mapuso sabap ra angin malasu', maruol ru tatanom, kapoam kokoton ru gapu'; kapoam paat ra ulun Muno bulunsaron ru pantula', kapoam maruol,

2 TUNUNG RU BANSA' ISRAIL 7:13

Paat ra Aku kalo namparasam, kapoam nanusub ra gapu' mangakan pangai' ra tinanom, kapoam mamparatong ra maruol tumapik ra ulun Kuno,

MAZMUR 105:34

Ralalom ragu Nano, gapu' matong, masuang kaga' saboi kalo mauntob;

MAZMUR 78:46

Inataran No gapu' koson mangakan ra tatanom nilono, am mamuso ra umo nilono.

KAINGKUALAN 10:4

Amon ru lakat poyo marara' kou, ra susuab no maparatong Aku ra gapu' ra pagun muno.

KAINGKUALAN 10:5

Titikop ralimbou ru tana' matikop ra masuang kaga' gapu'. Mangakan gapu' ra ngaangai' tatanom am niayuk puun tataun ondo' kalo natungkob ru rasam batu.

JISAYA 33:4

Rapu' nilono ginaau am inalap ru ulun bokon.

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

JIRIMIA 51:27

“Pangani' ra pulanu koson mangayou! Samputi' bujung maa' raginio morongog ru bansa'-bansa'! Potomposo' bansa'-bansa' koson mangayou ra Babilonia! Susubo' pamarintaan ru Ararat, Mini am Askinas mangayou. Lantiko' sangulun pagawai saujor koson maningganai ra pangayawan no. Susubo' noyo kuda ondo' masuang koson ra gapu' sampanon!

JOIL 2:25

Paaligon Ku ngaangai' nangalubat ramuyun ra bilor-bilor bulintok ra gapu' nangakan ra ampos ru tinanom min. Aku noyo ondo' nanusub ra sampanon ru gapu' no nantipagon ramuyun.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

AMOS 7:1

Nakaalap aku ra rondo' napakitanan intor ra Tuhan Raja'. Ralalom ru napakitanan no nakito ku Io nambaal rondo' sampanon ru gapu' kalupus ulun nopolontob ra sakot tayar ru raja'. Paat raginio sakot tumalimpuun poyo tumuu'.

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

SAGULION 28:38

“Mantanom kau ra masuang sampug, kaa' sanganu ayuk kumoson sabap ra akanon ru gapu' ampos ru tatanom min.

SAGULION 28:42

Ngaangai' puun am tatanom min akanon ru bibiag malumot.