JOIL 1:12 - Tanou Moonsoi Timugon

¹² Puun ru kikinawa' giu' ra umo liminonot noyo boo ngaangai'; puun anggur, puun ipol, puun ara, puun kurma am puun dalima', mamagun pana kalo boo maansukan.

JOIL 1:12 ပူးပေါင်းရင်းမြစ်များ

MAZMUR 4:7

Masuang ulun makiasi', “Kasuango' barakat Muno ramon, iou Tuhan. Gama' ru mangiou Kou ramon.”

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

RIMBAI PANGAMPARAN 2:3

Koson ra puun ru ipol ondo' nakapangkilolot timinuu' giu' ra kataunan, koon raginio noyo kalumpusan kuno ra gino ngai' ungkuyon. Masaga' aku sumindung ra saau nano, kawa' nano maamis ra akanon.

RIMBAI PANGAMPARAN 4:13

Giu' no masuang timinuu' ra puun dalima' mababaya' ra kinawa' ondo' mangaamis; bunga' solonggo am narwastu,

JISAYA 16:10

Ragino kolondo' osoi-osoi pana maansukan ra tana' ondo' malabung no. Kolondo' osoi-osoi pana magitatapap ra longon kapoam marimbai ra umo-umo ru anggur. Kolondo' boo mamaga' ra kawa' ru anggur. Puau ra kaansukan limininos noyo.

JISAYA 24:11

Ulun sogolok-golok ra ralan sabap nakayaan ra wain. Kaansukan pinuso noyo ra tana' ra sabuoi-buoi no.

JISAYA 24:7

Puun ru anggur lumonot, am buoi-buoi no wain pana maawai. Ulun ondo' maansukan ra galing i ragino malumpus guang.

JISAYA 9:3

Inalap Mu noyo kapaganan nilo ondo' maagat, am tataun pikulan intor ra limbawo nilono. Kinala Mu bansa' ondo' mangimpai am mantaligamis ra ulun Muno, koson ra Okou nangala ra saujor ru Midian ra galing i ayuk poyo.

JIRIMIA 48:3

Mamagun ru bandar Oronaim giminolok, ‘Kalaatan! Kapusaan!’

JIRIMIA 48:33

Kaansukan am magilakup kalio boo intor ra tana' Moab ondo' malabung. Pinolonggo' Ku tilis ru wain intor ra mampalia' ra wain; kolondo' boo ulun ondo' mambaal ra wain am magilakup ra maansukan.

JOIL 1:10

Umo-umo nasaliir; tana' mangulir sabap ra gandum napuso noyo, kawa' ru anggur napua' noyo boo, am puun jaitun liminonot.

JOIL 1:16

Tinanom pinuso giu' ra talupak ru mato takau. Kolondo' boo indii am lalakup giu' ra ralalom Baloi ri Aki Kapuuno' takau.

JUNUS 4:7

Kaa' suabon no maar matawang, ralalom susuban ri Aki Kapuuno' rondo' ulor sinusub no minongoi pangakan ra tutuu' i saboi nolonot.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

UNTABAN 13:23

Kopongo raginio nakasaboi ulun-ulun pansigo no giu' ra Limayak Iskol. Giu' no nanatas ilo sambulisang kawa' ru anggur ondo' maagat kaga', saboi musiti' tampuyungin ru ruo ngaulun ra rondo' tataun. Nagibit ilo niayuk ra kukula' ngaunor kawa' ru dalima' am kawa' ru ara.