Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”
Kaansukan am magilakup kalio boo intor ra tana' Moab ondo' malabung. Pinolonggo' Ku tilis ru wain intor ra mampalia' ra wain; kolondo' boo ulun ondo' mambaal ra wain am magilakup ra maansukan.
Puun ru kikinawa' giu' ra umo liminonot noyo boo ngaangai'; puun anggur, puun ipol, puun ara, puun kurma am puun dalima', mamagun pana kalo boo maansukan.
Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,
Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”
Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.