JISAYA 9:3 - Tanou Moonsoi Timugon

³ Inalap Mu noyo kapaganan nilo ondo' maagat, am tataun pikulan intor ra limbawo nilono. Kinala Mu bansa' ondo' mangimpai am mantaligamis ra ulun Muno, koson ra Okou nangala ra saujor ru Midian ra galing i ayuk poyo.

JISAYA 9:3 ပူးပေါင်းရင်းမြစ်များ

MAZMUR 119:162

Bantu' Muno mapabansuk raki', koson ra ulun nakajampa' ra rapu'.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

JISAYA 26:15

Iou Tuhan, rinuangan Mu suang ru bansa' maino, am kinalangka' Mu libung ru wilayah maino, sabap raginio Okou omporon.

JISAYA 66:10

Pakaansuk noyo mababaya' ra Jirusalim, akau ngai' ondo' monogom ra bandar no. Pakaansuk noyo mababaya' ra Jirusalim ragino, akau ngai' ondo' nantangi' ra galing i.

JISAYA 65:18

Pakaansuk noyo am kaantak noyo ra sabuoi-buoi no sabap ra inangun Kuno. Jirusalim bagu ondo' inangun Kuno mototop ra kaansukan am namagun nano maantak guang.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

1 SAMUIL 30:16

Io pana nangator ri Daut ra intok ru ulun raginilo. Ulun raginilo nakatabual ra giu' am giti, giu' ra titikop ru intok raginio. Tatanga' ilo mangakan manginum am maansukan sabap ra masuang rapu' ondo' ginaau nilo intor ra pagun ru ulun ru Palistin am Jiuda.

LUKAS 11:22

Kaa' amon ru sangulun ondo' maikang poyo intor riso no, mongoi pakimansangor riso, maaru' kalo maanggal no. Gaawo' ru ulun no kinandoi mangayou nali ondo' pinagalung no ra kuliamos nali, am ondo' tinakou nali tatayaron no.

MAZMUR 4:7

Masuang ulun makiasi', “Kasuango' barakat Muno ramon, iou Tuhan. Gama' ru mangiou Kou ramon.”

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

JAKARIA 10:8

Piawon Ku ulun Kuno, timungon Ku ilo. Bayagon Ku ilo, am ilo kasuangon koson ragili.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

GOSIA 4:7

Akau lumanja' masuang, lumanja' masuang tula min Raki', imam-imam kau. Kulawon Ku boo baal mino. Kalo boo urumaton kau, kaa' asabin.

JIRIMIA 31:7

Indagu Tuhan, “Parimbai no ra maansukan ra tayar ru Israil, bansa' ondo' kasaa' ra gino ngai' ru bansa'. Parimbai no ra rimbai mongompor, ‘Binayag ru Tuhan ulun Nano; binayag No ngaangai' ulun ondo' lakat poyo natatang.’

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JISAYA 54:1

Jirusalim, galing i okou koson ra ruandu' tabanang ondo' kalo igondo' maganak. Kaa' ragino pagilakup no, am parimbai no maansukan! Sabap ra anak-anak muno masuang kaga', nakasail poyo intor ra anak ru ruandu' ondo' kalo tinatang ru ralaki.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

NIGIMIA 9:23

Nangani' Kou risilo ra masuang anak koson ra kinasuang ru butitin giu' ra limbowon, am nompoloso risilo nanguasa' ra tana', ondo' binantu' Mu noyo ra kinamatuaan nilo.

TINGGANAI RU BANSA' 5:3

Rongogo' noyo, raja' kau ngai'! Ilai' toojo, pangnguasa' kau ngai'! Marimbai aku am mangkuli ra miujik tayar ru Tuhan i Aki Kapuuno' ru Israil.

RINALATAN 8:8

Ginio ra nakaansuk tojojo ulun ru bandar Samaria i.

AYUP 12:23

Sinauk No bansa'-bansa' maikang am mapanggol, kaa' kalupus raginio nampaala am namuso risilo.

JISAYA 65:14

Maririmbai ilo am maansukan, kaa' akau mantangi' am malawo guang.

IMAMAT 26:13

Aku Tuhan i Aki Kapuuno' min, nagibit ramuyun miningkual intor ra Misir maa' raginio kalo boo masauk kau ra inulipon. Pinandak Ku noyo kuasa' ondo' nangulipon ramuyun, am napasauk ramuyun ra ulun labus.”

TINGGANAI RU BANSA' 7:22

Liliwa' ulun ri Gidion nanamput ra bujung nilo, nangkinibit Tuhan ra pulalai ru pantula' minibulunsar ra ilo po galama' ra ilang. Nagiru' ilo minongoi ra Jirira saboi ra Bit-Sita am bandar Abil-Migola, maar ra Tabat.

TINGGANAI RU BANSA' 8:12

I Jiba am i Salmuna, ruo ngaulun raja' ru Midian no nagiru'. Kaa' inilou am rinakop ilo ri Gidion, saboi nalaa' ngaangai' saujor ru pantula'.

JISAYA 10:26

Aku, Tuhan Ondo' Maayo Kaga' Kuasa', mampalapos risilo ra pitol lalapos koson ra Aku nampalapos ra ulun ru Midian giu' ra Batu Orib ra galing i. Ukumin Ku Asyur koson ra Aku nangukum ra Misir.

JISAYA 14:5

Pinolonggo' noyo ru Tuhan kuasa' ru namarinta-namarinta ra malaat kaga'