JISAYA 9:12 - Tanou Moonsoi Timugon

¹² Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:12 ပူးပေါင်းရင်းမြစ်များ

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

2 TUNUNG RU BANSA' ISRAIL 28:18

Liliwa' raginio ulun ru Palistin tatanga' mamulunsar ra bandar-bandar giu' ra libung ru lonson toojo ru bulur giu' ra tampilon kalasaan am giu' ra tampilon rabugus ru Jiuda. Ginaau nilo bandar Bit-Simis, Ayalon am Gidirot, am niayuk bandar Sokgo, Timna am Gomjo am niayuk ngaangai' pekan giu' ra liliut ru bandar-bandar no, am ayan ilo ra giu' no.

MAZMUR 79:7

sabap ra nampatoi ilo ra ulun Muno am namunsai ra pagun Muno.

2 RAJA'-RAJA' 16:6

Paat raginio raja' ru Idom nakasugut nanguasa' saguli' ra bandar Ilat. Pinagiru' ru raja' no ulun ru Jiuda ondo' minayan ra giu' no. Ginio ra, ulun ru Idom minayan ra bandar no am liminayun ra giu' no saboi raino.)

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 35:11

Kaa' paat ra Raja' Nibukadnijar namulunsar ra pagun ragitio, namatas akai koson matong ra Jirusalim maa' raginio magiru' intor ra saujor ru Babilonia am Siria. Ginio sabap ra akai minayan ra Jirusalim.”

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JIRIMIA 15:7

Giu' ra moonong bandar ra pagun ti, akau patirin Ku koson ra rami. Kabalu' pana akau ulun Kuno, akau am anak-anak mino pusoon Ku, sabap ra marara' kau mangulau ra baal ru kaayagan min.

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

AMOS 4:8

Giu' ra kukula' bandar, mamagun nano ondo' malawo sabap ra nampaas maguyum ra timug giu' ra bandar ra bokon, kaa' timug ra giu' no kalo naukop. Kabalu' pana raginio, kalo niayuk siminaguli' kau Raki'.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.