JISAYA 8:9 - Tanou Moonsoi Timugon

⁹ Pantitimung kano ra malaa', alii ra ngaangai' bansa'! Rongogo' noyo, alii ra intok-intok ra maalur. Tampos kano koson mangayou, kaa' kalaa' kano! Iou, tampos kano, kaa' ra guang malaa'!

JISAYA 8:9 ပူးပေါင်းရင်းမြစ်များ

1 RAJA'-RAJA' 20:11

Taam Raja' Agab, “Balai' Raja' Bingadad ra sangulun saujor toojo maansayan ra kinaayo nano malupus pampatayan, sala' ka kalo poyo raginio!”

AMSAL 11:21

Ulun malaat aruon ra ukumin, kaa' ulun moonsoi bayagon.

JISAYA 28:13

Ginio sabap ra Tuhan no mangila' ramuyun ra moonong urup, moonong sulabit am moonong tayar. Makasaru kau bulintok ra akau mugar. Mapilatan kau, jalingon am rokopon.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 54:15

Paat ra okou bulunsaron, sala' ka Aku nanusub, osoi ayuk mamulunsar rirun maratu' io.

JIRIMIA 42:11

Pai' boo kalaa' ra raja' ru Babilonia. Mabaya' Aku ramuyun, am palabuson Takamin intor ra kuasa' nano.

JIRIMIA 46:3

“Panglima-panglima saujor ru Misir giminolok, ‘Pongoono' perisai min, am jalai no ra mamulunsar!

JIRIMIA 46:4

Paatango' kalat ra kuda am kurai' kuda min! Tinting kano am pantupi' ra tupi' basi'! Asaa' tutura' min! Bayango' noyo bayang basi' min!’ ”

JIRIMIA 51:20

Indagu Tuhan, “Okou Babilonia, koson kou ra amar Kuno am kinandoi pangayou Kuno. Mamakai Aku rirun koson mamuso ra bansa'-bansa',

YEHEZKIEL 38:7

Susubo' i Gog tumampos, am musiti' ngaangai' pulalai nano pana tumampos manugut ra susuban nano.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

JOSUA 11:5

Ngaangai' raja' no nagamung am nabaya' minatong nangkim maar ra Sungoi Mirom koson mangayou ra Israil.