JISAYA 8:8 - Tanou Moonsoi Timugon

⁸ Rumatong ilo ra Jiuda koson ra liur mokopolos ra limbawo am mompolosor ra ngaangai' no.” Aki Kapuuno' mabaya' ritakau! Kawo Nano ondo' pinabingkal manindung ra pagun ragitio.

JISAYA 8:8 ပူးပေါင်းရင်းမြစ်များ

2 RAJA'-RAJA' 17:3

Paat raginio Raja' Salmanisir intor ra Asyur nangayou ra Raja' Gosia. Raja' Gosia nakiala ra Raja' Salmanisir am nambayar riso ra cukai ra moonong bilor.

2 TUNUNG RU BANSA' ISRAIL 12:4

Raja' Sisak nampagaau ra bandar-bandar ru Jiuda ondo' mokoondo' ra kubu am naginjul saboi ra Jirusalim.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 30:28

Susubon No angin ra saang Nano koson ra liur mokopolos ra liog ondo' makapangabas ra atan-atan ayuk. Angin no mamuso ra bansa'-bansa' am mopolonggo' ra inatangan-inatangan nilo ra malaat.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 7:17

Porotongon ru Tuhan raja' Asyur, am okou mabaya' ra ngaangai' papag muno am niayuk mamagun makaliman ra karaat ondo' malaat kaga' ka atan ondo' natutunan nilo intor ra Israil nakatuliar intor ra Jiuda.

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

JIRIMIA 48:40

Binantu' noyo ru Tuhan ra rondo' bansa' manumbit ra Moab koson ra sanginan kanui ondo' nanumbit ra kawo no nabingkal.

JIRIMIA 51:42

Raat liminuab ra Babil am nampasakob riso ra kinulun ondo' makanginoos.

YEHEZKIEL 17:3

maa' raginio makapandai ilo ra atan ondo' paraguon Kuno, Tuhan Raja' risilo: Mokoondo' sanginan susuit kanui maayo kaga' ondo' moonsoi bulu am mapila' kawo ondo' nabilar. Kanui no nansiab ra Kagunungan Libanon, am namandak ra untu ru sampuun tataun sidar,

YEHEZKIEL 26:19

Indagu Tuhan Raja', “Saukon Tokou ra masiluk koson ra bandar ondo' kolondo' mamagun. Taubin Tokou ra timug intor ra raat.

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

MIKA 1:9

Pilat ru Samaria kalo mapali', am Jiuda mataki' malumpa' ru kaimbalaan ondo' nogondo'. Kapusaan nakasuku' noyo ra kulobon garabang ru Jirusalim, intok namagunan ru bansa' kuno.”

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)