JISAYA 8:7 - Tanou Moonsoi Timugon

⁷ Aku, Tuhan, mamparatong ra raja' ru Asyur am ngaangai' saujor nano koson mangayou ra Jiuda. Jumalai ilo koson ra liur intor ra Sungoi Iprat ondo' lumuab-luab am masakob tobo nano.

JISAYA 8:7 ပူးပေါင်းရင်းမြစ်များ

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

2 RAJA'-RAJA' 19:32

“Gitio noyo ragu ru Tuhan intor ra raja' ru Asyur, ‘Kalo makaumpos io ra Jirusalim, kapoam mapalabus ra pamanah ra tingkuang nano. Saujor-saujor ondo' mokoondo' ra perisai kalo minggaar ra bandar ti. Kalo mambaal ilo ra pumpun ru tana' koson magawang riso.

IJRA 4:10

nababaya' ra bansa'-bansa' ra bokon ondo' pinabanding ru Raja' Asnapar ondo' Matulai giu' ra bandar Samaria am giu' ra intok ra bokon giu' ra Wilayah Iprat Kalasaan.”

MAZMUR 46:4

kabalu' pana raat no mangulun am lumuab kinulun, am gunung mauyog toojo.

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

JISAYA 10:16

Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JISAYA 28:15

Ragu mino masawat, ra nangatang kau kunu' ra nabantuan ra kapatayan am pangiawan ra pagun ru ulun minatoi. Malansan kau ra karaat kalo makalumpa' ramuyun sabap ra lumansan kau ra abau am pamparuungan koson mangampin ra inan mino.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

JISAYA 28:2

Ilai' noyo, Tuhan nangator sangulun ondo' maikang am makakuasa', nakatampos mongoi pangayou risilo; sangulun matong koson ra bagiu' mabaya' ra rasam batu, koson ra rasam maawas, am koson ra liur ondo' siminakob ra tana'. Io mapaampas risilo ra tana'.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 7:17

Porotongon ru Tuhan raja' Asyur, am okou mabaya' ra ngaangai' papag muno am niayuk mamagun makaliman ra karaat ondo' malaat kaga' ka atan ondo' natutunan nilo intor ra Israil nakatuliar intor ra Jiuda.

JISAYA 7:20

Bulintok raginio Tuhan mampagaji' ra sangulun manunukur, ioginio raja' Asyur intor ra sandaup ru sungoi Iprat. Raja' no manukur ra jangut am abuk ra ulu ru ulun ru Israil, am niayuk bulu ra inan nilono.

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

JIRIMIA 51:42

Raat liminuab ra Babil am nampasakob riso ra kinulun ondo' makanginoos.

YEHEZKIEL 26:19

Indagu Tuhan Raja', “Saukon Tokou ra masiluk koson ra bandar ondo' kolondo' mamagun. Taubin Tokou ra timug intor ra raat.

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

AMOS 9:5

Paat ra Tuhan Raja' Ondo' Maayo Kaga' Kuasa' makakambong ra tana' ti, mogonggon boo tana', am ngaangai' ru mamagun nano manulaboi. Titikop ru tana' magaloi tumuun koson ra Sungoi Nil.

MIKA 1:9

Pilat ru Samaria kalo mapali', am Jiuda mataki' malumpa' ru kaimbalaan ondo' nogondo'. Kapusaan nakasuku' noyo ra kulobon garabang ru Jirusalim, intok namagunan ru bansa' kuno.”

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

NAGUM 1:8

Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

LUKAS 6:48

Io no koson ra sangulun manambaloi. Kolondomo' no kali no ra luang am patirongo' toojo lugu' no ra batu. Paat ra mampaliur, kalo matungkob baloi ti sabap ra inindon am piniot toojo.

PINAINTALANG 17:15

Indagu boo malaikat no raki', “Timug ondo' nakito muno, ondo' tinurungan ru ruandu' mantatalan ra inan no, ioginio papag-papag, bansa'-bansa', ragu-ragu, am pagun-pagun.