JISAYA 7:3 - Tanou Moonsoi Timugon

³ Indagu Tuhan ri Jisaya, “Ibito' noyo anak muno, i Syiar Jasub am ongoi tuum ra Raja' Agas. Mauma' mu io ra ralan intok pangandayan ru ulun mambaal ra konoon, giu' ra pompor ru parit ondo' mapatuluk ra timug intor ra kulam tampilon ra rasawat.

JISAYA 7:3 ပူးပေါင်းရင်းမြစ်များ

2 RAJA'-RAJA' 16:1

Paat ra bilor koopor am tulu' ra pamarintaan ru Raja' Pika anak ri Rimalia giu' ra Israil, Raja' Agas anak ungkuyon ru Raja' Jotam nasauk ra raja' giu' ra Jiuda.

2 RAJA'-RAJA' 18:17

Kaa' raja' ru Asyur nangirim ra rondo' pulalai ru saujor ondo' maayo intor ra Lakgis koson mamulunsar ra Raja' Gijkia giu' ra Jirusalim. Pulalai raginio tiningganai ru talu ngaulun pagawai masawat ru saujor, iono sangulun panglima, sangulun manukang ra inumon am sangulun tingganai ru magalung ra raja'. Paat ra ilo nakasaboi giu' ra Jirusalim, inaru' nilo intok giu' ra ralan, intok mambaal ra konoon no mangandoi, maar ra napaususan ra timug intor ra kulam giu' ra tampilon ra rasawat.

2 RAJA'-RAJA' 20:20

Ngaangai' binaal ru Raja' Gijkia, nakaaya' kinapanggol tumula' nano am tunung ra io nambaal ra kulam ru timug am niayuk ususan ru timug mongoi ra bandar no, tinulisan ra ralalom ru buuk Sejarah ru Raja'-Raja' ru Jiuda.

NIGIMIA 3:16

Nigimia anak ri Ajbuk, mangunguasa' sampiruo ra libung Bit-Jur nambaal ra timbok ondo' tunggul no saboi ra kalabangan ru sasambaloi ri Daut, kulam ra binaal am barik ru saujor.

KAINGKUALAN 7:15

Ginio ra ongoi noyo tuum ra raja' tampilon ra susuab ti, paat ra io tumuun ra Sungoi Nil. Ibito' noyo jujuga' ondo' igondo' nakulau nasauk ra kukuo, am inaani' io ra kiing ru sungoi.

JISAYA 10:21

Kalo masuang ulun ru Israil sumaguli' ri Aki Kapuuno' ondo' matulai.

JISAYA 22:11

nambaal kau ra kulam panimungan ra timug giu' ra bandar koson papatulukan ra timug intor ra kulam nakalair. Kaa' kalo ginuang min i Aki Kapuuno' ondo' intor noyo ra galing nangatang noyo ra ngaangai' no am nangkinibit ra ngaangai' no nasauk.

JISAYA 36:2

Kopongo ragili Raja' Sanirib nanusub ra tingganai ru pagawai nano mintor ra Lakgis am mongoi ra Jirusalim mababaya' ra sampulalai maayo saujor koson mampajajal ra Raja' Ijkia rumuku'. Pagawai no nangalap ra intok ra ralan no, intok ru ulun mambaal ra konoon mangandoi, mamaar ra parit ondo' papatilisan ra timug intor ra kulam tampilon ra ralayo.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JIRIMIA 22:1

Nanusub Tuhan raki' mongoi ra istana ru raja' ru Jiuda, papag ru Raja' Daut, koson mampasaboi ra tanou ru Tuhan ra raja' am pagawai-pagawai nano, am niayuk mamagun ru Jirusalim. Gitio noyo ragu ru Tuhan risilo,

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,