JISAYA 7:14 - Tanou Moonsoi Timugon

¹⁴ Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 7:14 ပူးပေါင်းရင်းမြစ်များ

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 30:6

Indagu boo i Ragil, “Mabanis ukum ri Aki Kapuuno' no ra iniou no kinitaak kuno. Rinongog no kiniasi' kuno am nanaak Io raki' ra anak ungkuyon.” Inggalani' boo ri Ragil anak raginio i Dan.

KASAUKAN 30:8

Indagu i Ragil, “Giminula' aku toojo ra maayo kuno am namanang aku.” Inggalani' no boo anak raginio i Naptali.

KASAUKAN 4:25

I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit.

1 RAJA'-RAJA' 13:3

Rinayus poyo ru nabi no ragu nano, “Mapuut altar ti, am kaau ondo' soroi ra rasawat no malayak. Ginio noyo inono' no ra minindagu Tuhan no ra pinabala' galing raki'.”

MAZMUR 46:8

Tuhan Ondo' Maayo Kaga' Kuasa' mabaya' ritakau; i Aki Kapuuno' ri Jakub manindung ritakau.

JISAYA 38:7

Taam i Jisaya, “Tuhan manaak ra rirun raja' ra rondo' tatandu' koson inono' manugut ra bantu' Nano.

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JISAYA 8:8

Rumatong ilo ra Jiuda koson ra liur mokopolos ra limbawo am mompolosor ra ngaangai' no.” Aki Kapuuno' mabaya' ritakau! Kawo Nano ondo' pinabingkal manindung ra pagun ragitio.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

JIRIMIA 44:29

Aku, Tuhan mampainono' ra Aku mangukum ramuyun ra pagun ti, am ra bantu' Kuno koson mamuso ramuyun suguton.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

LUKAS 1:31

Maapang kou am maganak kou ra sangulun anak ungkuyon. Inggalani' anak no i Jisus.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 2:12

Gitio tatandu' nano, makatuum kau sangulun lalagang kinusib ra konoon ondo' pinalangan ra rondo' papaakanan ra bibiag.”

LUKAS 20:44

Amon ru sabiton Io ri Daut ra ‘Tuhan’, ati kulaan Mamamayag ondo' sinusub ri Aki Kapuuno' masauk ra papag ri Daut?”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TINGGANAI RU BANSA' 6:36

Indagu boo i Gidion ri Aki Kapuuno', “Minindagu Kou noyo ra mamakai Kou raki' koson mapalabus ra ulun ru Israil.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”

1 SAMUIL 4:21

Ininggalanan no anak raginio i Ikabod. Kono, “Nairu' noyo boo ra Israil ti katulayan ri Aki Kapuuno'.” Rinagu no ginio sabap ra Kaban Nabantuan ginaau noyo am iwan nano ra ungkuyon am niayuk ralaki nano minatoi noyo.