JISAYA 7:12 - Tanou Moonsoi Timugon

¹² Taam Raja' Agas, “Kalo makitaak aku ra tatandu'. Kalo masaga' aku mangkinam ra Tuhan.”

JISAYA 7:12 ပူးပေါင်းရင်းမြစ်များ

2 RAJA'-RAJA' 16:15

Kopongo raginio nanusub Raja' Agas ri Uria, “Pakayo' altar kuno ondo' maayo ti koson ra taak simbalui ondo' solobon paat ra susuab ti am taak ra kaunaran paat ra mamai', koson taak simbalui ondo' solobon am taak kaunaran ondo' pataakon ru raja' am mamagun, am niayuk koson taak wain intor ra mamagun. Pasasaro' raraa' ru ngaangai' bibiag ondo' pataakon koson ra taak simbalui giu' ra rasawat ru altar no. Altar gangsa' ondo' lairon no pakayon ku koson ra makitulu'.”

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

JISAYA 7:11

“Pakitaak noyo maa' raginio Tuhan, i Aki Kapuuno' muno manaak rondo' tatandu' rirun, ioginio intor nua' ra pagun ru ulun minatoi giu' ra ragana', kapoam intor ra limbowon giu' ra rasawat.”

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

RINALATAN 5:9

Indagu i Pitrus riso, “Kua pampakat kau mansawo nangkinam ra Ambiluo ru Tuhan? Ilai'! Ulun ondo' nompolobong ra ralaki muli nakasaguli' noyo. Okou po paingkualon nilo.”

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.

SAGULION 6:16

“Pai' pangkinam ra Tuhan i Aki Kapuuno' min koson ondo' binaal min giu' ra Masa.