JISAYA 66:5 - Tanou Moonsoi Timugon

⁵ Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JISAYA 66:5 ပူးပေါင်းရင်းမြစ်များ

1 RAJA'-RAJA' 21:29

“Nakito mu kia ra Raja' Agab minggana' guang ra saang Kuno? Sabap ra nambaal io koon raginio, kalo maparatong Aku ra karaat no riso paat ra io maayag no. Maparatong Aku ra karaat no ra sasambaloi nano paat ra anak nano maayag.”

2 RAJA'-RAJA' 22:10

Kono poyo, “Ilai' kitab ti ondo' pinataak ri Ilkia raki'.” I Sapan pana nambasa' ra kitab no ra saang ru raja'.

2 TUNUNG RU BANSA' ISRAIL 34:27

am timinalikur kono intor ra tula am niayuk minggana' guang ra saang Kuno. Rinilak mu bayang am niayuk nantangi' paat ra okou nokorongog ra lolob Kuno koson mangukum ra Jirusalim am mamagun nano. Nokorongog Aku ra pakiasian muno,

IJRA 9:4

Mangiluk kaga' guang kuno am nanturung ra giu' no saboi ra paat koson mampataak ra taak simbalui ra mai' ti. Masuang ulun minatong timung limpu raki'. Ngaangai' ulun no nangalaa' sabap ra lolob ri Aki Kapuuno' ra tula ondo' binaal nilo ondo' minuli' intor ra pamatiran.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

RIMBAI PANGAMPARAN 1:6

Pai' aku asabi' sabap ra kungkung kutu maitom; maitom aku sabap nakatuug ra mato ru orou. Ngaangai' pabukat kuno siminangit raki', am mampajajal raki' mangandoi ra umo ru anggur; kolondo' bulintok ku magalung ra inan kuno galama'.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 5:19

Mindagu kau, “Ilai' takau atan baalon ru Tuhan. Polosoon Io mataki' mambaal ra atan rinagu Nano. Polosoon noyo i Aki Kapuuno' ru Israil, i Aki kapuuno' ondo' matulai mapaugar ra inatang Nano.”

JISAYA 60:15

Okou kalo tatangon am kalo boo kasisangin, am kalo polosoon koson ra bandar ondo' nokoloso am masiluk. Saukon Tokou ra urumaton am maantak, intok kaansukan ra sabuoi-buoi no.

JISAYA 65:13

Sotopot no, ulun ra sumamba Raki' am gumagaya' Raki' makaalap ra masuang akanon am inumon, kaa' maitilan am paason kau. Maansukan ilo kaa' asabin kau.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JIRIMIA 36:16

Kopongo raginio, motontong ilo ra rondo' am bokon ra malaa' am indagu ri Baruk, “Musiti' mai pabalaan gitio ra raja'.”

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

LUKAS 13:17

Nangauyu' boo ngaangai' ulun minanggal ri Jisus ra taaman Nali, kaa' ngaangai' ulun ra bokon naansukan ra kaimuagan ondo' binaal ri Jisus.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

2 TISALONIKA 1:12

Maa' boo raginio inggalan ru Tuhan takau, i Jisus, katulayon min am akau pana katulayon No, mabaya' ra kataawan ri Aki Kapuuno' takau am ru Tuhan Jisus Kristus.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 JUANIS 3:13

Ginio sabap ra pabukat kau ngaangai', pai' kau pangimuag amon ru ulun ru tana' ti masisang ramuyun.