JISAYA 66:3 - Tanou Moonsoi Timugon

³ Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

JISAYA 66:3 ပူးပေါင်းရင်းမြစ်များ

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

JISAYA 44:19

Ilo ondo' nambaal ra sinungkalalaing no kalo nakapangkara' ra mindagu, “Santayaran ra tataun no suruin ku; apui no pantutunu ku ra ruti' am pamanggangan ku ra kual, am akanon. Tataun ra suwo no saukon ku ra sinungkalalaing. Ilai' noyo, sambaan kuno saputul tataun ayuk!”

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JISAYA 57:17

Sumangit Aku risilo sabap ra tula nilo am luung nilo. Ginio sabap no ra Aku nangukum am nangiruan risilo. Kaa' mokotog ulu nilono am maya' noyo ra ralan galama'.

JISAYA 65:12

Malarom patayan mino sabap ra akau kalo tumaam bulintok ra Aku mampiau, am kalo mangkirongog kau bulintok ra Aku mindagu. Singonon min kalo gumagaya' Raki' am singonon min mambaal ra malaat.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JISAYA 66:17

Mindagu Tuhan, “Mamaar noyo pupus ru ulun mamasau ra inan koson sumamba ra sinungkalalaing, iono ilo ondo' mugar saguluyur giu' ra taman-taman dewa, am ondo' mangakan ra bauwi, kual ru tikus, am niayuk nansalinut akanon ra majamol.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

AGAI 2:14

I Agai pana mindagu boo, “Minindagu Tuhan ra aturan raginio masauk niayuk ra ulun ru Israil ra pagun ti am ra ngaangai' no ondo' ampos binaal nilo. Ginio ra atan ondo' pataakon nilo ra rasawat ru altar ti, masauk ra majamol.”

SAGULION 14:8

Pai' pangakan ra bauwi. Majamol bibiag raginio, sabap kabalu' pana makajajampang kaa' bibiag raginio kalo manapa' ra kainduo. Pai' pangakan ra bibiag koson raginio, am pai' kambong ra baangkai no.

SAGULION 23:18

Ruit ondo' moowot ra ralan ragitio kalo iowon ibiton ra ralalom Baloi ru Tuhan i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru Tuhan.

TINGGANAI RU BANSA' 10:14

Ongoi kano pakiindangan ra dewa-dewa ondo' pinili' mino. Polosoon noyo dewa-dewa mamayag ramuyun paat ra makakapaganan kau.”

TINGGANAI RU BANSA' 21:25

Paat raginio kolondo' poyo raja' ru Israil. Moonong ulun mambaal ra atan ondo' karaan ra motopot.

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.