JISAYA 66:23 - Tanou Moonsoi Timugon

²³ Paat ra moonong pangiantakan ra Bulan Bagu am orou Sabat, ulun intor ra ngaangai' pagun matong sumamba Raki' giu' ra Jirusalim.

JISAYA 66:23 ပူးပေါင်းရင်းမြစ်များ

2 RAJA'-RAJA' 4:23

Pangkuot ralaki nano, “Kua kia musiti' mongoi ra orou raiti'? Orou raiti' sala' ka orou Sabat kapoam Pangiantakan ra Sila' Bagu.” Taam io, “Kalo pana.”

MAZMUR 22:28

Ngaangai' bansa' mangkara' ra Tuhan am sumaguli' Riso; ngaangai' tayar ru bansa' sumamba Riso.

MAZMUR 65:2

Sotopot no giu' ra Sion, akai mongompor Rirun, iou Aki Kapuuno' am bayaan mai bantu' maili Rirun,

MAZMUR 65:3

sabap ra iniou Mu pakiasian. Ngaangai' ulun rumatong Rirun

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

JISAYA 19:21

Mintalang Tuhan ra inan galama' ra ulun ru Misir, makaulig am sumamba ilo Riso, am magibit ilo ra taak simbalui am taak pataakon Riso. Magibot ilo Riso am suguton nilo ibot no.

JISAYA 19:23

Bulintok raginio, makaralan mapila' mangkilolot ra Misir am Asyur. Namagun ra karuruo pagun no maginsaguli' maya' ra ralan no am mababaya' sumambayang.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 45:17

Kaa' paat ra pangiantakan ra sila' bagu, am orou Sabat, am orou pangiantakan ra bokon, ulun manguasa' lansanin manampos ra bibiag koson pataakon koson ra taak simbalui, am niayuk taak simbalui koson paringkuanangan Raki'; am niayuk taak simbalui wain ra tayar ru ngaangai' bansa' ru Israil. Io no lansanin manampos ra taak simbalui koson mangampun ra tula, taak simbalui koson paringkuanangan Raki', taak simbalui koson mapabansuk ra guang Kuno, am taak simbalui koson makibarakat Raki'. Aku pana mangampun boo ra tula ru ulun ru Israil.”

YEHEZKIEL 46:1

Indagu Tuhan Raja', “Kulobon garabang sirangon ondo' tumingkuang ra liliut ralalom musiti' angabin buoi onom ngoorou mangandoi. Kaa' paat ra orou Sabat am Pangiantakan Sila' Bagu, kulobon garabang no musiti' ukabin.

YEHEZKIEL 46:6

Paat ra Pangiantakan ra Sila' Bagu, musiti' io mampataak ra sanginan anak sapi' gawayan, onom ngainan anak domba, am sanginan domba gawayan. Ngaangai' no kalo najamaran.

JAKARIA 14:14

Mamagun ru Jiuda mangayou koson manaung ra Jirusalim. Gaawon nilo rapu' ru ngaangai' bansa' – mas, pirok am bayang ondo' masuang kaga'.

JAKARIA 14:16

Kopongo raginio ngaangai' ulun intor ra bansa'-bansa' ondo' lakat poyo naayag, ondo' namulunsar ra Jirusalim, matong ra Jirusalim ra moonong bilor koson sumamba ra Raja', Tuhan Ondo' Maayo Kaga' Kuasa', am koson mangiantak ra Pangiantakan Mangkalukub ra Raun.

JAKARIA 14:18

Amon ru bansa' ru Misir marara' mangiantak ra Pangiantakan Mangkalukub ra Raun, ilo pana malumpa' ru maruol ondo' porotongon ru Tuhan ra moonong bansa' ondo' marara' mongoi sambayang.

JAKARIA 14:19

Ginio noyo ukuman ondo' paratuon ra Misir am ngaangai' bansa', amon ru kalo mangiantak ilo ra Pangiantakan Mangkalukub ra Raun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

JUANIS 4:23

Raino ti nasuku' noyo paat no, mansail ra indangan ru Ambiluo ri Aki Kapuuno' ulun sumamba ri Ama', ioginio i Aki Kapuuno' ondo' motopot, sabap raginio noyo kasagaan ri Ama'.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”