JISAYA 66:20 - Tanou Moonsoi Timugon

²⁰ Ibiton nilo ngaangai' ulun ru bansa' mino muli' intor ra pagun-pagun raginio koson ra taak nilo Raki'. Sumakoi ilo ra kuda, baghal, unta, kurita' kuda am pedati mongoi ra bulur Kuno ra matulai giu' ra Jirusalim, koson ra ulun ru Israil magibit ra gandum pinasuang ra rondo' intok mapasau mongoi ra Baloi ru Tuhan koson maringkuanang Raki'.

JISAYA 66:20 ပူးပေါင်းရင်းမြစ်များ

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

JISAYA 65:11

Kaa' sala' ka ginio pupus mino ondo' manatang Raki' am niayuk kalo mampalio ra Sion, bulur Kuno ondo' matulai, am ondo' sumamba ri Gad am Mini, dewa ru iawo am dewa ru nasip.

JISAYA 56:7

“Ibiton Takamin ra Sion, bulur Kuno ondo' matulai, am bansukon Ku baloi sambayangan Kuno. Taak-taak simbalui ondo' pataakon min ra altar Kuno apuon Ku. Baloi Kuno sabiton ra baloi pakiasian ru nansalinut bansa'.”

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

JISAYA 54:3

Rumuang langka' muno mongoi ra pamiris am kait, namagun muno mayan ra tana' ru bansa'-bansa' am mayan ra bandar-bandar ondo' ragino ti masiluk kaga'.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

UNTABAN 7:3

magibit ra taak nilo ra Tuhan: Onom kurita' ru sapi' am mopor am ruo ngainan sapi', rondo' kurita' sapi' tinaakan ru ruo ngaulun tingganai, am sanginan sapi' tinaakan ru moonong tingganai. Pakataak nilo ngaangai' no,

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

JIPANYA 3:10

Kaa' niayuk intor ra Itiopia ondo' maalur, ulun Kuno ondo' nantutuliar no matong am mampataak ra taak simbalui Raki'.