JISAYA 66:18 - Tanou Moonsoi Timugon

¹⁸ Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JISAYA 66:18 ပူးပေါင်းရင်းမြစ်များ

AYUP 42:2

“Nakapandai aku, iou Tuhan, ra makapambaal Kou ra ngaangai' no; makapambaal Kou ra atan ayuk.

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 67:2

Iou Aki Kapuuno', pakaasi' no am barakati' akai; pakaansuk no magilong ramon,

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 82:8

Ratong no, iou Aki Kapuuno', am akimi' noyo tana' ti; ngaangai' bansa' Okou tatangan.

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

MAZMUR 94:11

Mapandayan ru Tuhan atan ondo' pangkaraan ru ulun; mapandayan No ra ngaangai' no kolondo' ampos.

MAZMUR 97:6

Limbowon mapabala' ra katimpakan Nano, am ngaangai' bansa' magilong ra katulayan Nano.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 37:28

Kaa' napandayan Ku ngai' nansalinut baal muno: nansalinut binaal muno ra ati ayuk inongoi muno. Makapandai Aku ra sumangit kou kaga' Raki'.

JISAYA 40:5

Katulayan ru Tuhan pana pabalaan, am moonong ulun makatalinono'. Tuhan galama' noyo nambantu' no.”

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 55:8

Mindagu Tuhan, “Pangkaraan Kuno sala' ka pangkaraan muno, am ralan Kuno sala' ka ralan muno.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 57:12

Indoson min binaal mino motopot, kaa' pasalulaan Ku kalaatan toojo mino, am sinungkalalaing mino kalo makapangindangan ramuyun.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JISAYA 66:10

Pakaansuk noyo mababaya' ra Jirusalim, akau ngai' ondo' monogom ra bandar no. Pakaansuk noyo mababaya' ra Jirusalim ragino, akau ngai' ondo' nantangi' ra galing i.

JIRIMIA 16:17

Nakakito Aku ra ngaangai' ondo' binaal nilo. Kolondo' sangulun pana ondo' nakasibuni intor Raki'; nakakito Aku ra tula-tula nilo.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

YEHEZKIEL 39:21

Indagu Tuhan, “Mampakito Aku ra katulayan Kuno ra bansa'-bansa', am makakito ilo Raki' mamakai ra kuasa' Kuno koson manugut ra kapatasan Kuno ra matimpok.

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

JAKARIA 14:16

Kopongo raginio ngaangai' ulun intor ra bansa'-bansa' ondo' lakat poyo naayag, ondo' namulunsar ra Jirusalim, matong ra Jirusalim ra moonong bilor koson sumamba ra Raja', Tuhan Ondo' Maayo Kaga' Kuasa', am koson mangiantak ra Pangiantakan Mangkalukub ra Raun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 12:25

Napandayan ri Jisus ra atan pamaguangan nilo Riso, indagu Io boo risilo, “Moonong pagun ondo' natayar-tayar am mantutula' ra ilo galama', maaru' mapuso. Moonong pekan kapoam sambaloi ondo' natayar-tayar am mantutula' ra ilo galama', mantutuliar ilo.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

LUKAS 5:22

Nakapandai i Jisus ra pamaguangan nilai, indagu Io, “Kua pampaguang kau koson raginio?

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

JUANIS 5:42

Kaa' koson ramuyun, nakaulig Aku ra kalo motogom kau ri Aki Kapuuno' ralalom ru guang min.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

1 KORINTUS 3:20

Mokoondo' poyo tinulisan ra Buuk Kitab, “Nakapandai i Aki Kapuuno' ra pangkaraan ru ulun mangapintar kolondo' onong.”

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!