JISAYA 66:16 - Tanou Moonsoi Timugon

¹⁶ Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JISAYA 66:16 ပူးပေါင်းရင်းမြစ်များ

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JISAYA 3:13

Nakatampos noyo Tuhan mapasingkual ra baal raginio; nakatampos Io noyo mangakim ra ulun Nano.

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

JISAYA 31:8

Asyur pusoon ra pangayawan, kaa' sala' ka ralalom ikang ru ulun. Ulun ru Asyur magiru' mangiruan ra pangayawan, am nasuangan tuu' bagu nilono saukon ra ulipon.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 65:12

Malarom patayan mino sabap ra akau kalo tumaam bulintok ra Aku mampiau, am kalo mangkirongog kau bulintok ra Aku mindagu. Singonon min kalo gumagaya' Raki' am singonon min mambaal ra malaat.

JIRIMIA 25:31

saboi ra pompor ru tana' ti bolos Nano mamintanou. Pinatalang ru Tuhan baal no ra bansa'-bansa'. Mangakim ilo ra ngaangai' ulun am mamuso ra ulun malaat. Tuhan nakaindagu noyo.’ ”

JIRIMIA 25:33

Paat orou raginio baangkai ru ulun ondo' pusoon ru Tuhan kumalayatan ra titikop ru tana' ti. Kalo tangiin ilo, kalo kayangon koson ra lobongon, kaa' polosoon ayuk ra tana' koson ra tuntur ru pampalabung ra tana'.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

JIRIMIA 46:15

Kua kia ri Apis, dewa min ra maikang no naratu'? Linamba' ru Tuhan dewa no!’

YEHEZKIEL 28:18

Talanon muno nososok ra ondo' kalo mabanis saboi intok-intok sambayangan muno najamalan. Ginio ra solobon ku bandar muno saboi mapuso. Ngaangai' ulun ondo' magilong rirun raino makakito ra kaau ayuk.

YEHEZKIEL 38:17

Okou noyo ondo' sinabit Kuno ragili, paat ra Aku minindagu pinabala' galing ra nabi-nabi Kuno giu' ra Israil, ra paat tauli no manusub Aku ra sangulun koson mamulunsar ra Israil.” Tuhan Raja' minindagu noyo.

YEHEZKIEL 5:15

“Paat ra Aku sumangit am lumasu' guang, ukumin Tokou, saboi ra ngaangai' bansa' ra liput muno malaa'. Magasab am mangiis ilo rirun.

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

AMOS 7:4

Nakito ku poyo rondo' napakitanan intor ra Tuhan Raja'. Nakito ku Io tatanga' tumampos koson mangukum ra ulun Nano ra apui. Apui no monolob pangai' ra raat maayo giu' ra ragana' ru tana' am tumalimpuun monolob ra tana'.

NAGUM 3:15

Atan pana ondo' baalon muno kolondo' onong, sabap maaru' solobon kou saboi matoi kapoam potoyon ralalom pangayawan. Nampaliot kou koson ra tatanom ondo' kinai' ru gapu'. Nansayat kou noyo koson ra gapu'!

NAGUM 3:3

Pulalai mangkuda mamulunsar ra guang maantak, ilang manguliat am tutura' makapiniat. Ulun ondo' matoi kalo mauntob, baangkai nilo satuntur-tuntur, mangkinibit ra ulun makasaru.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.