JISAYA 66:14 - Tanou Moonsoi Timugon

¹⁴ Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

JISAYA 66:14 ပူးပေါင်းရင်းမြစ်များ

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

AMSAL 17:22

Guang ondo' makaansuk mapaligag ra inan; guang ra mangiluk mapakapalo ra guang.

AMSAL 3:8

Binaal muno masauk koson ra tatapis ondo' makapali' ra pipilat muno am mapaligag ra inan muno.

IBRANI 10:27

Ondo' ayuk inaanin takau ioginio pangakiman ri Aki Kapuuno' am apui ra makalalaa' ondo' mampaluus ra pantula' Nano.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

IJRA 8:18

Sabap no ra kinoonsoi ru guang ri Aki Kapuuno', nangani' ilo ramon ri Siribia, sangulun Liwi ondo' maligag intor ra bansa' ru Magli. Nababaya' ra Siribia, minatong niayuk anak-anak nano am pabukat-pabukat nano, ra suang no mopor am balu' ngaulun.

JISAYA 13:5

Minatong ilo intor ra pagun ra mangaalur, pompor ru tana' ti. Sabap ra sangit Nano, Tuhan matong koson mamuso ra titikop ru tana' ti.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 30:27

Kuasa' am katulayan ru Tuhan makito intor ra maalur. Apui am lisun tatandu' ra kasangitan Nano. Bulintok ra Io mindagu, ragu no sumuru koson ra apui.

JISAYA 33:20

Pulolowo' noyo bandar ru Sion intok ra itakau mangiantak ra orou pangiantakan ru ugama. Pulolowo' noyo Jirusalim! Intok raginio masauk ra ayanan ondo' makapamayag koson ra kim ondo' kalo poyo igondo' pabandingo', ondo' lugu' nano kalo poyo igondo' bubulo' am rurukug nano kalo poyo igondo' kaukat.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JISAYA 41:20

Ngaangai' ulun pana magilong riso am makapandai ra Aku, Tuhan, ondo' nambaal no. Urioon nilo am mangarati' ra i Aki Kapuuno' ru Israil, Aki Kapuuno' ondo' matulai nambaal no.”

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

MAZMUR 107:42

Ulun moonsoi maansukan makakito ra baal raginio, kaa' ngaangai' ulun malaat pinongkoror.

JISAYA 59:18

Ukumin Nano pantula' Nano sumugut ra binaal nilo, makaaya' niayuk ulun ondo' minayan ra pagun-pagun maalur.