JISAYA 66:1 - Tanou Moonsoi Timugon

¹ Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JISAYA 66:1 ပူးပေါင်းရင်းမြစ်များ

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

MAZMUR 132:7

Ongoi takau ra Baloi ru Tuhan, am sumamba Riso ra saang ru panturungan Nano.

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

1 TUNUNG RU BANSA' ISRAIL 28:2

Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 12:6

Balain takamin: Ragiti mokoondo' ondo' maatang poyo intor ra Baloi Tuhan.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

2 TUNUNG RU BANSA' ISRAIL 2:5

Mangatang aku koson mambaal ra rondo' baloi sambayangan ondo' matulai, sabap i Aki Kapuuno' mai matulai poyo intor ra tuhan-tuhan ra bokon.

JISAYA 60:13

Tataun sipris, tataun juniper, am tataun pain, tataun ra moonsoi kaga' intor ra kataunan Libanon, ibiton koson manirong rirun, okou Jirusalim, koson mangindon ra Baloi Kuno am mapatulai ra bandar Kuno.