JISAYA 61:3 - Tanou Moonsoi Timugon

³ koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JISAYA 61:3 ပူးပေါင်းရင်းမြစ်များ

ESTER 8:15

Kopongo raginio nangiruan i Mordikai ra istana, liliwa' nambayang ra bayang ru raja' makabatik motomou am mapulak, sukub matanggilung intor ra konoon linon ondo' malumis, am karaun mas ondo' moonsoi kaga'. Ulun giu' ra ralan-ralan maayo ru bandar Susan nagilakup sabap ra naansukan.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

MAZMUR 30:11

Rongogo' aku no, iou Tuhan, am pakaasi' no raki'. Tuhan indangano' aku!”

MAZMUR 30:12

Pantangian ru guang kuno kinulau Mu masauk ra ligo' kaansukan; inalap Mu ulir kuno am pinasuali Mu kaansukan.

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

MAMPATANOU 9:8

Polosoon noyo akau masalok maansukan am bulos mino matakau.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 26:2

Ukabi' noyo kulobon-kulobon garabang ru bandar, Maa' raginio bansa'-bansa' ra gumagaya' sumubol, ondo' ulun nano gumagaya' ra kasagaan ri Aki Kapuuno'.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

YEHEZKIEL 34:29

Aniin Ku ilo ra tana' ondo' malabung am niayuk mamuso ra bitilan giu' ra pagun no. Bansa' ra bokon kalo boo magagasab risilo.

YEHEZKIEL 47:7

Paat ra aku nakasaboi ra giu' no, nakito ku masuang kaga' puun tataun giu' ra karuruo tobo ru sungoi no.

JAKARIA 3:5

Nanusub io risilo ondo' mangindangan riso mampasampak ra serban mapasau ra ulu ri Josua, am binaal nilo. Ilo pana nampabayang boo ri Josua ra bayang bagu liliwa' malaikat ru Tuhan minigor ra giu' no.

MATIUS 15:13

Taam i Jisus, “Moonong tatanom ondo' kalo tinanom ru Ama' Kuno giu' ra suruga' maaru' bubulon.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

LUKAS 15:22

Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

1 KORINTUS 6:20

Mologo toojo pinambabali ri Aki Kapuuno' ramuyun, ioginio i Kristus. Sabap raginio, urumato' noyo i Aki Kapuuno' ra inan mino pana.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.