JISAYA 61:2 - Tanou Moonsoi Timugon

² Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

JISAYA 61:2 ပူးပေါင်းရင်းမြစ်များ

JISAYA 1:24

Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 34:8

Ginio noyo bulintok no Tuhan mamayag ra Sion am mansuli' ra pantula'-pantula' ru Sion.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 40:1

“Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 57:18

Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JISAYA 58:5

Paat ra akau mampali, imboloon min inan mino; ulu pakukuon min koson ra raun ru sakot liminakut. Pabingkalon min konoon karung am manatak ra kaau, am mombolong ra rasawat nano. Ginio kia inggalanin min ra pali? Indoson min kasagain Kuno baal min raginio?

JISAYA 60:10

Mindagu Tuhan ra Jirusalim, “Ulun bansa' ra suai mambaal saguli' ra timbok muno, am raja'-raja' nilono magayam rirun. Ragili nangukum Aku rirun ralalom ru sangit Kuno, kaa' ragino Aku masaga' makaasi' rirun.

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

LUKAS 4:19

Am mambala' ra nasuku' noyo paat ru Tuhan mamayag ra ulun Nano.”

LUKAS 6:21

“Pakaansuk kano ondo' nangaitilan raino, sabap ra basugon kau! Pakaansuk kano ondo' mantangi' raino, sabap ra pakuriton kau!

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.