JISAYA 61:11 - Tanou Moonsoi Timugon

¹¹ Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

JISAYA 61:11 ပူးပေါင်းရင်းမြစ်များ

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

JISAYA 62:7

Musiti' ilo marayus mapakara' Riso, saboi Io mapatapuli' ra Jirusalim, am saukon ginio ra bandar ondo' sasabiton ra titikop ra tana' ti.

JISAYA 62:1

Sabap ra Jirusalim mindagu aku; kalo mongkoror aku saboi ra Jirusalim bayagon, am kamanangan no makatampulau koson ra pilasut bulintok molondom.

JISAYA 45:8

Patuunon Ku kamanangan koson ra rasam intor ra limbowon; tana' ti pariukab koson mangapu riso, am tumuu' boo kaluagan am katimpakan, sabap ra Aku, Tuhan, mapasauk ra babaal ragitio.”

RIMBAI PANGAMPARAN 4:16

Luat no, alii ra angin ralayo. Siob no ra pagitatanaman kuno, alii ra angin rabugus; polosoo' noyo maamis owou muno iul-iul giu' ra limbowon. Gama' ru ambai kuno matong ra pagitatanaman kuno am mangakan ra kawa'-kawa' mangaamis.

MAZMUR 85:11

Togom am gagaya' maguma'; katimpakan am kaansayan maganding.

MATIUS 13:23

Sampug ondo' nakatias ra tana' malabung no koson ra ulun ondo' mangkirongog ra tanou no am makarati' ilo. Mangkakawa' ilo, mokoondo' mangkawa' ra maatus ruli' no, mokoondo' onom ngoopor am bokon no talu ngoopor.”

MATIUS 13:3

Nangila' i Jisus risilo ra masuang baal ralalom ru abig. Indagu Io, “Mokoondo' sangulun minongoi pampatias.

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

MAZMUR 72:16

Gama' ru makabujuk bilor no ra titikop ru pagun; gama' ru matitip bulur no ra tatanom, koson kinalabung ru tatanom ra Libanon. Gama' ru mososok bandar no ra ulun, koson ra sakot tumuu' ra limayak.

MAZMUR 72:3

Gama' ru pagun ragitio lumangkaya', am makaliman ra katimpakan.

MATIUS 13:8

Kaa' mokoondo' niayuk naratu' ra tana' malabung am nangkawa'. Mokoondo' maatus kawa' nano, mokoondo' onom ngoopor, am mokoondo' niayuk talu ngoopor.”

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

KASAUKAN 1:11

Indagu poyo i Aki Kapuuno', “Moonsoi ru tana' ti mapatuu' ra nansalinut tutuu' ioginio tutuu' ondo' mapaingkual ra ampos ru kinawa'.” Baal raginio pana nasauk.

JISAYA 62:2

Okou Jirusalim, bansa'-bansa' magilong ra kamanangan muno, raja'-raja' magilong ra kaantakan muno! Sabiton kou ra inggalan bagu, inggalan ondo' tinaakan galama' ru Tuhan.