JISAYA 61:1 - Tanou Moonsoi Timugon

¹ Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JISAYA 61:1 ပူးပေါင်းရင်းမြစ်များ

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

MAZMUR 25:9

Tuluin No ulun ondo' minggana' guang no ra ralan motopot, am mangila' risilo ra kasagaan Nano.

MAZMUR 34:18

Amon ulun ra motopot mampiau, mangkirongog Tuhan no am mamayag risilo intor ra ngaangai' kapaganan.

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

MAZMUR 51:17

Indangano' aku mindagu, iou Tuhan, am omporon Tokou.

MAZMUR 68:7

Ulun ondo' kolondo' pabukat aniin No ra intok, am mapalabus Io ra ulun narakop suku' ilo maansukan; kaa' ulun mangalaat makaayan ra tana' mapua'.

MAZMUR 69:32

Baal raginio mapabansuk toojo ra Tuhan intor ra mapataak ra taak simbalui ru sapi', kapoam taak ru sapi' gawayan ra maayo.

KAINGKUALAN 28:41

Pabayangon bayang raginio ri Arun am anak-anak nano. Patimpokon am palilion ilo boo Raki' ra mangumau risilo ra umau jaitun, maa' raginio mangandoi ayuk Raki' koson ra imam.

KAINGKUALAN 29:7

Mopongo ginio alapon umau ru upacara am pasasaron ra rasawat ru ulu nano ra koson patimpokon io.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 30:19

Akau ondo' minayan ra Jirusalim kalo boo mantangi'. Tuhan no makaasi'. Paat ra akau mampiau makiindangan Riso, tumaam Io.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:7

Sinungkirat Mu mato ru ulun bolou, am nampalabus ra ulun intor ra pangaputan ondo' molondom.

JISAYA 48:16

Ratong inggaar no Raki' am rongogo' ragu Kuno. Intor ra galing i kalo opoton ku ragu Kuno, am moonong ragu Kuno motopot.” Ragino Tuhan Raja' manusub raki' am manaak raki' ra kuasa' Nano.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 57:18

Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JIRIMIA 34:8

Raja' Jidikia am mamagun ru Jirusalim nambaal ra nabantuan koson mampalabus ra

JIRIMIA 52:33

Iniou Raja' Joyakin rumalin ra bayang ru pangaputan nano, am niayuk iowon mangakan giu' ra mija' ru raja' buoi ru bayag nano.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

IMAMAT 7:35

Gitio noyo tayar ru taak akanon ra Tuhan ondo' pataakon ri Arun am anak-anak nano paat ra orou ilo patimpokon ra imam.

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 3:16

Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang.

LUKAS 7:22

Taam i Jisus, “Saguli' kau ri Juanis am pambala' kau ra atan ondo' nakito am norongog min. Ulun bolou makakito, ulun kalo makalulu' makaugar, ulun makamaruol ra kungkung ondo' maaja' mababas, ulun barat makaining, ulun matoi maayag saguli' am Tanou Moonsoi intor ri Aki Kapuuno' pinabala' noyo ra ulun musikin.

JUANIS 1:41

Ginio ra ongoi i Andrias tuum ri Simon ra mataki' am indagu io riso, “Natuum mai noyo Misias.” (Arati' no ‘Mamamayag ondo' sinusub ri Aki Kapuuno'’.)

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

2 KORINTUS 3:17

Arati' ru ragu “Tuhan” ragitio am Ambiluo; am ati ayuk kasarayan ru Ambiluo ru Tuhan no, giu' no niayuk mokoondo' kalabusan.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”