JISAYA 60:9 - Tanou Moonsoi Timugon

⁹ Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

JISAYA 60:9 ပူးပေါင်းရင်းမြစ်များ

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 2:16

Kaa' niayuk ngaangai' kapal ra mangaayo am mongoonsoi polosoron No.

JISAYA 51:5

Pamayagan ondo' pataakon Kuno mamaar noyo, bulintok ra Aku mamanang mamaar noyo rumatong. Aku galama' mamarinta ra bansa'-bansa'. Pagun-pagun ondo' maalur magiginaa Raki' am malansan ra baalon Kuno ondo' makaimuag.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JAKARIA 14:14

Mamagun ru Jiuda mangayou koson manaung ra Jirusalim. Gaawon nilo rapu' ru ngaangai' bansa' – mas, pirok am bayang ondo' masuang kaga'.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JISAYA 60:4

Ilai' noyo atan masauk ra libung muno; ulun muno timinimung koson muli' rirun. Anak ungkuyon muno minuli' intor ra pagun maalur, am anak ruandu' muno kinubibil.

JISAYA 57:17

Sumangit Aku risilo sabap ra tula nilo am luung nilo. Ginio sabap no ra Aku nangukum am nangiruan risilo. Kaa' mokotog ulu nilono am maya' noyo ra ralan galama'.

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JISAYA 43:4

Pataakon Ku ngaangai' bansa' koson suali ru painawo mino, sabap ra akau mologo ra guang Kuno, am sabap ra Aku monogom am niayuk mampagagaya' ramuyun.

AMSAL 18:20

Ragu-ragu ra paabuson sumonor ondo' musiti' no matutunan.

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

1 RAJA'-RAJA' 22:48

Nambaal Raja' Josapat ra kapal-kapal ru raat koson masundoi mongoi ra Opir maa' raginio mangalap ra mas, kaa' kapal-kapal raginio nalunsai giu' ra Ijion-Gibir, am kalo nakapasundoi mongoi ra giu' no.

1 RAJA'-RAJA' 10:22

Raja' Salomo mokoondo' ra masuang kapal maayo ondo' masundoi ra raat malandom am malangka' mababaya' ra kapal-kapal ru Raja' Giram. Igondo' ralalom ru talu ngambilor, kapal-kapal ru Raja' Salomo muli' am magibit ra mas, pirok, gading, gabuk am susuit tuou.

1 RAJA'-RAJA' 10:1

Raja' ruandu' ru pagun Syiba nokorongog ra nauligan kaga' Raja' Salomo. Ratong io boo ra Jirusalim koson mangkinam ra Raja' Salomo ra pangkuatan-pangkuatan ondo' malipong.

1 RAJA'-RAJA' 8:41

“Paat ra sangulun bansa' ru bokon ondo' minayan giu' ra pagun maalur nokorongog ra kinaayo Muno, am niayuk intor ra kaimuagan-kaimuagan ondo' binaal Muno ra ulun Muno, am matong sumamba Rirun am makiasi' ra Baloi ti,

JOSUA 9:9

Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

KASAUKAN 9:27

Gama' ru ruangin ri Aki Kapuuno' barakat Nano ri Japit am kalangkaan ayanan nano. Gama' ru papag nano masimpung mayan ra papag ri Siim. Masauk i Kanaan ra uliponon ri Japit.”

MAZMUR 48:7

Monontol ilo malaa', mangarualan ilo koson ra ruandu' matipaganak,

JISAYA 24:15

am ulun tampilon ra sirangon mongompor Riso. Namagun ra libung ru nagas mongompor ra Tuhan, i Aki Kapuuno' ru Israil.

JISAYA 49:22

Tuhan Raja' mindagu ra ulun Nano, “Aniin Ku ra pulanu ra bansa'-bansa' am pasagulion nilo anak-anak muno; anak-anak muno ra ungkuyon no kubibilon, am anak-anak muno ra ruandu' saanin.

JISAYA 60:6

Kafilah-kafilah matong intor ra Midian am Ipa. Matong ilo intor ra Syiba am magibit ilo ra mas am kaminyan. Potonowon nilo baal ra moonsoi ondo' binaal ru Tuhan!

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

MIKA 7:12

Mamaguli' ulun min intor ra ati ayuk intok – intor ra sirangon ru Asyur am rabugus ru Misir, intor ra tana' ru Sungoi Iprat, intor ra sandaup ru raat, am intor ra kagunungan ondo' maalur.

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.