JISAYA 6:9 - Tanou Moonsoi Timugon

⁹ Io pana nanusub raki' mampasaboi ra tanou ti ra ulun, “Rayusi' min mangkirongog, kaa' kalo makarati'. Rayusi' min mampaguang, kaa kalo mapandayan min atan kasaukan.”

JISAYA 6:9 ပူးပေါင်းရင်းမြစ်များ

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

JISAYA 28:13

Ginio sabap ra Tuhan no mangila' ramuyun ra moonong urup, moonong sulabit am moonong tayar. Makasaru kau bulintok ra akau mugar. Mapilatan kau, jalingon am rokopon.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 29:13

Mindagu Tuhan, “Bansa' ragitio nangiou sumamba Raki', kaa' ragu-ragu nilono kolondo' onong, am guang nilono maalur intor Raki'. Ugama nilono pangatangan ayuk am kaulayan ru ulun ondo' kinara'.

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

JISAYA 43:8

Mindagu i Aki Kapuuno', “Susubo' noyo ulun Kuno rumatong muma'. Makamato ilo, kaa' bolou; makatalingo ilo, kaa' barat!

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

GOSIA 1:9

Indagu boo Tuhan ri Gosia, “Inggalani' io ri ‘Sala' ka Ulun Kuno’, sabap ra ulun ru Israil sala' ka ulun Kuno, am Aku sala' ka i Aki Kapuuno' nilo.”

MARKUS 4:12

maa' raginio: ‘Magilong ilo pana, kalo mauligan; mangkirongog ilo pana, kalo mapandayan, maa' raginio kalo sumaguli' ilo ri Aki Kapuuno' am ampunon.’ ”

LUKAS 8:10

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta. Kaa' ulun ra bokon ilaan ayuk ra pagabigan; ra kabalu' pana monontong ilo kaa' kalo makakito, mangkirongog ilo noyo kaa' kalo makarati'.”

JUANIS 12:40

“Nompokoolou i Aki Kapuuno' ra mato nilai, am nambaal risilo mailo mangarati'; koson mato nilai kalo makakito, am guang nilai pana kalo makarati'; am kalo sumaguli' ilo ra Tuhan, koson babason No ilo.”

ROMA 11:8

Koson tinulisan ra Buuk Kitab, “I Aki Kapuuno' nampasauk risilo ra sasambungon; suku' orou raiti' kalo maimansaan am kalo matalinaasan nilo.”

SAGULION 29:4

Kaa' saboi orou raiti' lakat poyo kalo mangiou Io ramuyun makarati' ra ngaangai' ondo' nailian min noyo.