JISAYA 6:8 - Tanou Moonsoi Timugon

⁸ Kopongo raginio mangkirongog aku ra Tuhan mindagu, “Osoi kia susubon Kutu? Osoi kia masauk ra ulun susubon takau?” Taam aku, “Giti aku, Susubo' aku no!”

JISAYA 6:8 ပူးပေါင်းရင်းမြစ်များ

KASAUKAN 1:26

Indagu boo i Aki Kapuuno', “Raino mambaal Takau ra ulun ondo' masauk koson Ritakau am mansalu Ritakau. Ilo manguasa' ra papait, susuit am ngaangai' bibiag ra bokon ondo' masigo am makaup am ondo' boborok am niayuk maayo.”

KASAUKAN 11:7

Ibok tuun Takau am jojowo' ragu nilono maa' raginio kalo makapagarati' ilo ra rondo' am bokon.”

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 3:22

Indagu Tuhan i Aki Kapuuno', “Raino ulun no nasauk koson Ritakau am makakapandayan ra baal ondo' moonsoi am niayuk malaat. Ginio boo musiti' inggalarin ulun mangakan ra kawa' intor ra puun ondo' mangani' ra bayag, maa' raginio ulun kalo maayag ra sabubuoi no.”

2 SAMUIL 1:7

Liminikar Raja' Saul am nakakito raki', am nampiau io raki'. Taam aku, ‘Iou raja' kuno.’

1 RAJA'-RAJA' 22:20

Pangkuot Tuhan, ‘Osoi kia mamparuung ri Agab maa' raginio mongoi io ra Ramot am matoi ra giu' no?’ Taaman ru malaikat-malaikat no nansasala'.

JISAYA 65:1

Mindagu Tuhan, “Nakatampos Aku no mangiou ra pakiasian ru ulun Kuno, kaa' kalo makiasi' ilo Raki'. Nakatampos Aku no tambuluyon nilo, kaa' kalo kuminam ilo maguyum Raki'. Bansa' ragitio kalo makiasi' Raki', kabalu' pana nakatampos Aku no tumaam, ‘Gitio Aku no. Masaga' Aku mangindangan ramuyun.’

YEHEZKIEL 1:24

Paat ra ilo ondo' maayag no mansiab, morongog ku bolos ru kawo mangulutub. Bolos no koson ra bolos ru bosoi, koson ra kurapak ru tumpang ru pulalai ru saujor ondo' maayo, am koson ra bolos ri Aki Kapuuno' Ondo' Maayo Kaga' Kuasa'. Ilo ondo' maayag no nangukum ra kawo paat muog mansiab,

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

YEHEZKIEL 9:1

Kopongo raginio norongog Ku i Aki Kapuuno' nampiau, “Ibok no, akau ondo' mangukum ra bandar ti. Ibito' kinandoi min.”

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 26:19

“Raja' Agripa, ginio puun ra aku ti mapirot toojo sumugut ra pagilangan no ondo' pinakito ri Aki Kapuuno' raki'.

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

1 SAMUIL 3:4

pampiau Tuhan ri Samuil. Taam i Samuil, “Iou tuan!”