JISAYA 6:5 - Tanou Moonsoi Timugon

⁵ Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 6:5 ပူးပေါင်းရင်းမြစ်များ

KASAUKAN 32:31

Paat sumirang mato ru orou, iruani' ri Jakub Piniil no, am isakirai io sabap ra pulunguan ru paa nano natibas.

MAZMUR 24:10

Osoi kia Raja' ra matulai no? Tuhan Ondo' Maayo Kaga' Kuasa', Io noyo Raja' ondo' matulai!

KAINGKUALAN 24:10

am kakito nilo i Aki Kapuuno' ru Israil. Minigor Io ra rasawat ru rondo' koson ra sulig intor ra batu nilam, ondo' motomou koson ra limbowon matawang.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 33:20

Kalo pakitonon kou ra bulos Kuno, sabap ra kolondo' ulun ondo' magulayun maayag malupus makakito ra bulos Kuno.

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

KAINGKUALAN 6:12

Kaa' taam i Musa, “Ulun-ulun ru Israil galama' marara' mangining ra ondo' raguon kuno, mulu' poyo raja' ru Misir. Mailo aku mindagu.”

KAINGKUALAN 6:30

Kaa' indagu i Musa, “Nakapandai Kou ra kalo matanda' aku mindagu. Masaga' kia nua' lair raja' no mangining ra ondo' raguon kuno?”

JISAYA 24:16

Intor ra pagun-pagun maalur kaga' maining rimbai pangamparan ri Aki Kapuuno' Ondo' Matimpok Kaga'. Kaa' aku galama' kolondo' kalansanan! Maimbolo' aku! Ulun-ulun mangalaat no rayusin nilo lumaat raki'; kalaatan nilono najanjayan kaga'.

JISAYA 29:13

Mindagu Tuhan, “Bansa' ragitio nangiou sumamba Raki', kaa' ragu-ragu nilono kolondo' onong, am guang nilono maalur intor Raki'. Ugama nilono pangatangan ayuk am kaulayan ru ulun ondo' kinara'.

JISAYA 33:17

Igondo' poyo akau makatalinono' ra sangulun raja' mamarinta ra maantak. Pagun nano mapulolou ra ngaangai' linsuk.

JISAYA 59:3

Nakasala kau sabap ra magabau am sumaindang, malaat am mamatoi.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JIRIMIA 1:6

Taam aku, “Iou Tuhan Raja', kalo matanda' ra aku mindagu sabap ra aku ti lakat poyo mamulok.”

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

DANIL 9:20

Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

UNTABAN 17:12

Indagu boo ulun ru Israil ri Musa, “Amon ru koson raginio, matoi akai! Maluus akai!

TINGGANAI RU BANSA' 13:22

Kon ri Manoa ra andu' nano, “Maaru' matoi to, sabap ra nakakito to noyo ri Aki Kapuuno'!”

TINGGANAI RU BANSA' 6:22

Nakaliman i Gidion ra ondo' minatong riso no malaikat ru Tuhan. Ra nalaa' indagu i Gidion, “Iou Tuhan Raja', nakakito aku toojo ra malaikat Muno!”