JISAYA 6:11 - Tanou Moonsoi Timugon

¹¹ Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JISAYA 6:11 ပူးပေါင်းရင်းမြစ်များ

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

MAZMUR 94:3

Kula' poyo buoi ru ulun mangalaat no maansukan? Kula' poyo buoi ru ulun mangalaat no mambaal koson raginio, iou Tuhan?

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 74:10

Saboi sanggilan, iou Aki Kapuuno', pantula' maino magasab Rirun? Sabuoi-buoi no kia ilo magasab Rirun?

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 5:9

Makaining aku ra Tuhan Ondo' Maayo Kaga' Kuasa' mindagu, “Ngaangai' baloi ondo' maayo am moonsoi ti kalo ayanin am kolondo' mangayan.

JISAYA 13:12

Ulun ra naayag intor ra karaat no kalo kukula', masuang poyo mas kopoyo ra untobon.

JISAYA 32:14

Istana pana iruanin am pusor ru bandar nasauk ra masiluk. Bulur-bulur am manara-manara intok ru mantatamung no mapuut ra sabuoi-buoi no. Kaladai masigo am domba no salilitau am mongkotop ra giu' no.

JISAYA 35:1

Tana' kaagisan no maansukan, am busak no mungkalar giu' ra tana' kataunan.

JISAYA 60:15

Okou kalo tatangon am kalo boo kasisangin, am kalo polosoon koson ra bandar ondo' nokoloso am masiluk. Saukon Tokou ra urumaton am maantak, intok kaansukan ra sabuoi-buoi no.

JISAYA 64:10

Bandar-bandar Muno ra matulai masauk koson ra tana' kaagisan. Jirusalim masauk ra naluyuan am nasisiluk ayuk

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 52:27

giu' ra wilayah Gamat. Giu' no linamba' ilo am inukuman boo ra matoi. Koon raginio noyo mamagun ru Jiuda inaut intor ra pagun nilo, am pinatiran ra pagun ra bokon.

YEHEZKIEL 6:6

Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

DANIL 8:13

Kopongo raginio nokorongog aku rondo' malaikat nangkuot ra malaikat ra bokon, “Kula' kia buoi ru baal ondo' nakito ralalom pinaintalang no mugar? Kula' kia buoi ru tula maayo malit ra taak simbalui orou-orou no? Kula' kia buoi ru saujor-saujor ru suruga' am Baloi ru Tuhan kikinjangin?”

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MIKA 5:11

Pusoon Ku jimat mino am inggion Ku ngaangai' ulun mapandai mangilong min.

MIKA 6:13

Ginio ra nakatalimpuun aku noyo mampalamba' am mamuso ramuyun sabap ru tula min.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

SAGULION 28:62

Kabalu' pana akau sinauk koson ra kinasuang ru butitin giu' ra limbowon, kaa' sanganu ayuk ulun ra gino ngai' min mabayag, sabap ra akau kalo gumagaya' ra Tuhan i Aki Kapuuno' min.

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

MIKA 7:13

Kaa' tana' ti masauk ra tana' mapua' sabap ra kalaatan ru mamagun nano.