JISAYA 59:3 - Tanou Moonsoi Timugon

³ Nakasala kau sabap ra magabau am sumaindang, malaat am mamatoi.

JISAYA 59:3 ပူးပေါင်းရင်းမြစ်များ

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

YEHEZKIEL 13:8

Ginio ra indagu Tuhan Raja' risilo, “Sabap ra ragu-ragu mino kalo motopot am pinaintalang ramuyun no kalo motopot, anggalon Takamin.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

GOSIA 7:13

“Nangiruan ilo Raki' am giminuor Raki'. Kapaganan lumumpa' risilo. Mapuso ilo. Masaga' Aku mamayag risilo, kaa' sambayang nilo Raki' kalo motopot.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

YEHEZKIEL 35:6

Ginio ra Aku, i Aki Kapuuno' ondo' maayag, Tuhan Raja', magibot ra matoi kau am kalo makalabus kau intor raginio. Makasala kau sabap ra namatoi, ginio ra namatayan no pana mangilou ramuyun.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

JIRIMIA 7:8

Nangintopot kau ra ragu-ragu magabau.

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

YEHEZKIEL 22:2

“Okou ulun mapandai matoi, nakatampos kono kia mangukum ra bandar ondo' napapak ra ulun mamatoi? Pakitono' ngaangai' binaal nano ondo' makauyuyu' no riso.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 9:15

Tingganai-tingganai ru mamagun nampalayau am nakajajou ra mamagun.

JISAYA 28:15

Ragu mino masawat, ra nangatang kau kunu' ra nabantuan ra kapatayan am pangiawan ra pagun ru ulun minatoi. Malansan kau ra karaat kalo makalumpa' ramuyun sabap ra lumansan kau ra abau am pamparuungan koson mangampin ra inan mino.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 44:20

Binaal raginio nogondo' ayuk ra mangakan ra kaau. Pangkaraan nano pinalayau saboi kalo boo makaindangan riso. Kalo mangiou io ra sinungkalalaing ra ginuut nano sala' ka tuhan.

JISAYA 59:13

Lumungkang akai am gumuor ra Tuhan, am kalo masaga' maya' ri Aki Kapuuno' mai. Nangimbolo' akai ra ulun bokon am liminayau; pangkaraan mai nakalayau, am ragu-ragu mai abau ayuk.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:7

Ginio ra indagu Tuhan Ondo' Maayo Kaga' Kuasa', “Koson ra ulun mamasau ra basi', ulun Kuno kinamin Ku, maa' raginio masauk ilo ra mapasau. Atan poyo maalap Ku kabaal ra ulun Kuno ondo' nambaal noyo ra kalaatan?

MIKA 3:4

Nasaboi noyo paat ra akau mampiau ra Tuhan, kaa' kalo tumaam Io. Kalo mangiou Io ra pakiasian min, sabap nambaal kau noyo ra kalaatan.