JISAYA 57:9 - Tanou Moonsoi Timugon

⁹ Mampakai kau ra umau ondo' maamis owou am sumamba ra Dewa Molok. Manusub kau ra ulun mongoi ra pagun-pagun maalur, am niayuk giu' ra pagun ru ulun matoi.

JISAYA 57:9 ပူးပေါင်းရင်းမြစ်များ

YEHEZKIEL 23:16

Pakakito ayuk i Ogoliba ra gambar no, guang malaai nano liminanja' am pangator io ra ulun sinusub mongoi risilo giu' ra Babilonia.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

YEHEZKIEL 23:40

“Ilo pinai boo nangator ra ulun sinusub koson mangkimait ra ungkuyon intor ra intok maalur. Makaratong boo ungkuyon-ungkuyon, ruo ngaulun magaka' no mariu', kaitomon mato am malimpor.

YEHEZKIEL 16:33

Sangulun ruandu' mantalan ra inan nakaapu ra bayaran, kaa' nangani' kou ra tangguang ra ngaangai' kubayau muno. Nangambi' kou ra ulun intor ra ati ayuk intok maa' raginio marulug rirun.

JISAYA 2:9

Moonong ulun asabin am tauyuon. Pai' ilo ampuno', iou Tuhan!

AMSAL 7:17

Kinupilan ku kaalangan no ra owou maamis ru mur, gaharu am kaningau.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.