JISAYA 57:4 - Tanou Moonsoi Timugon

⁴ Osoi kia kulion mino? Akau ulun maabau-abau, osoi kia kakuritan mino?

JISAYA 57:4 ပူးပေါင်းရင်းမြစ်များ

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

MAZMUR 22:13

Masuang pantula' liminibung raki'; ilo ngaangai' liminiput raki' koson ra karabau kataunan intor ra pagun Basan.

MAZMUR 22:17

Santimungan ulun mangalaat liminiput raki'; koson ra santimungan uku', liminibung raki'; kumokot ilo ra longon am niayuk kalayam kuno.

MAZMUR 22:7

Kaa' aku ti ulor am sala' ka ulun, ondo' asasabin am ulalason ru ulun.

MAZMUR 35:21

Sogogolok ilo ayuk manguu' raki', “Nakito mai binaal muno!”

MAZMUR 69:12

Bulintok ra aku manulung ra bayang panguliran, kuritin nilo aku.

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

JISAYA 48:8

Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JISAYA 57:5

Sumamba kau ra dewa-dewa kalabungan am mansawa' ra saau ru puun-puun keramat. Pataakon min anak-anak mino koson ra taak simbalui giu' ra lapak ru bulur batu, giu' ra limayak sungoi.

JIRIMIA 20:8

Pogonong ra aku mindadagu, musiti' aku gumolok ra mapuor toojo, “Malaat kaga'! Kapusaan!” Iou Tuhan, iniis am inasaban aku ra moonong paat, sabap ra nampasaboi aku ra tanou Muno.

YEHEZKIEL 2:4

Bambalingatan ilo am kalo mangurumat Raki'. Ginio ra susubon Tokou koson mampasaboi ra atan ondo' paraguon Ku, Tuhan Raja' risilo.

GOSIA 10:9

Indagu Tuhan, “Ulun ru Israil kalo poyo igondo' longgo' pambaal ra tula Raki' intor ra ilo makatula giu' ra Gibia. Ginio ra malumpa' ilo ru pangayawan giu' ra Gibia.

UNTABAN 16:11

Paat okou am mamaya' muno nambutok ri Arun, sotopot no minanggal kau ra Tuhan.”

MATIUS 13:38

Umo no, ioginio tana' ti. Sampug moonsoi no, ioginio ulun ondo' nasauk noyo ra ulun ri Aki Kapuuno', am alab no ulun ondo' maya' ra Tingganai ru riwato.

MATIUS 27:29

Pambaal ilo boo rondo' karaun intor ra bulisang makaruui am pasampako' nilo ra ulu ri Jisus. Saujor-saujor no niayuk nangani' Riso rondo' tataun ra kalindu' pamiris Nano am igugulatur ra saang Nano am pagasab Riso, “Tabi', raja' ru ulun ru Jaudi!” konilo.

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

KOLOSI 3:6

Ulun makapaliso koson ragitio noyo mampakasalula' ra sangit ri Aki Kapuuno'.

JOSUA 10:21

Kopongo raginio ngaangai' saujor ru Israil siminaguli' ri Josua ra naayag giu' ra Makida. Kolondo' sangulun pana giu' ra pagun no ondo' makakau' mindagu manggal ra ulun ru Israil.

2 PITRUS 2:13

Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.