JISAYA 57:18 - Tanou Moonsoi Timugon

¹⁸ Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JISAYA 57:18 ပူးပေါင်းရင်းမြစ်များ

JIRIMIA 33:6

Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

MAMPATANOU 9:4

Kaa' osoi ondo' lakat poyo maayag ra tana' ti makakalansanan. Sala' ka kia uku' ondo' maayag moonsoi poyo intor ra singa' ondo' minatoi?

MAZMUR 51:12

Iou Aki Kapuuno', baalo' noyo guang mapasau raki', talimbagui' noyo guang kuno am aku pana mingkotog.

MAZMUR 23:2

Pinaluya' No aku ra tana' limayak ondo' makasakot malabung am mangitang raki' ra sungoi maliuk.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

LUKAS 15:20

Io pana minuli' ra ama' nali. Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io.

MAZMUR 94:19

Bulintok ra aku magalabo am maimamang, makimaganja' am mapabansuk Kou ra guang kuno.

JISAYA 19:22

Ukumin ru Tuhan ulun ru Misir, kaa' kalupus raginio mamabas Io risilo. Sumaguli' ilo Riso, am rongogon No pakiasian nilono am niayuk mamabas risilo.

JISAYA 52:12

Kalo maajag-ajag kau mugar, am sala' ka koson ra ulun ondo' tumangkus ayuk pagiru'. Sabap ra Tuhan no mangitang ramuyun; i Aki Kapuuno' ru Israil manindung ramuyun intor ra nansalinut pisuk.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JAKARIA 1:13

Taam Tuhan ra malaikat no ra ragu ondo' mapabansuk ra guang,

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”