JISAYA 56:2 - Tanou Moonsoi Timugon

² Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

JISAYA 56:2 ပူးပေါင်းရင်းမြစ်များ

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

YEHEZKIEL 20:20

Iantako' min orou Sabat koson tatandu' nabantuan Kuno ramuyun, koson mampakara' ramuyun ra Aku noyo Tuhan, i Aki Kapuuno' min.

KAINGKUALAN 20:10

kaa' orou ra katulu' iono orou tangusan ondo' patimpokon Raki'. Paat ra orou raginio sangulun pana kalo pongondoyon: okou, anak muno, ulipon muno, bibiag tinambiag muno kapoam ulun bansa' ru bokon ondo' minayan ra pagun muno.

JUANIS 13:17

Amon ru makapandai kau raginio, mulu' poyo bansuk min amon ru suguton min.

MAZMUR 106:3

Pakaansuk noyo ulun ondo' mambaal ra matimpok, ondo' masalok mambaal ra motopot.

AMSAL 16:17

Ulun moonsoi tumuliar ra ralan kalaatan; ulun magalung ra ralan ru kaayagan nano, mangampin ra inan nano galama'.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 14:16

Ulun mapintar kalo maajag-ajag am minggalur ra kalaatan, kaa' ulun sasambungon maajag-ajag am mamatas ra kalo mangkara' pagulu.

AMSAL 4:27

Painggaluro' noyo inan mino intor ra kalaatan am kaayag no ra guang mabanis. Pai' lisang intor ra ralan motopot.

AMSAL 4:13

Kasalok no mangkara' ra pangilaan ondo' pinataak kuno rirun. Tagami' pangilaan kuno sabap ra pangilaan raginio magibit ra ampos ru kaayagan muno.

MAZMUR 119:101

Tuliarin ku ngaangai' paliso malaat, sabap ra gumagaya' aku ra bala' Muno.

IMAMAT 19:30

Iantakon orou Sabat am urumaton intok sumamba Raki'. Aku noyo Tuhan.

KAINGKUALAN 20:8

“Iantako' noyo orou Sabat am urumato' orou raginio koson orou ondo' matulai.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.

LUKAS 12:43

Mumpara' boo bonsoi ru ulipon matanda' no amon ru muli' tuan nali, am ilai' no binaal ngaangai' nanusuban nali!

JISAYA 56:6

Tuhan mindagu ra ulun-ulun bansa' ru bokon ondo' siminubol ra ulun ru Tuhan, ondo' monogom ra Tuhan am mangandoi Riso ayuk, ondo' mangurumat ra orou Sabat am gumagaya' ra nabantuan Nano,

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

MAZMUR 37:27

Tatango' noyo kalaatan am pambaal noyo ra moonsoi, maa' raginio sayat muno maayag ra pagun ti ra sabuoi-buoi no;

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

NIGIMIA 13:17

Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

JISAYA 56:4

Tuhan mindagu risilo, “Amon ru mangurumat kau ra orou Sabat, amon ru gumagaya' kau ra nabantuan Kuno am mambaal ra atan ayuk mapabansuk ra guang Kuno,

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.