JISAYA 55:3 - Tanou Moonsoi Timugon

³ Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 55:3 ပူးပေါင်းရင်းမြစ်များ

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

AMSAL 4:20

Alii ra anak kuno, guango' noyo bilin kutu. Rongogo' noyo ragu-ragu kutu.

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.

RINALATAN 13:34

Binayag Io no saguli' ri Aki Kapuuno' intor ra kapatayan; koson kalo mapasa' Io ralalom ra lobong. Kon ragino ragu ri Aki Kapuuno', ‘Aniin tokou ra barakat ondo' matulai, barakat ondo' binantu' Kuno ri Daut i.’

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

MAZMUR 78:1

Sisindiron ri Asap. Rongogo' min pangilaan kuno, akau ulun ku ngai', am talinaasi' min raguon kuno.

JISAYA 54:8

Sangkinolor ayuk Aku timinalikur rirun sabap ra sangit Kuno ra lumuab-luab. Kaa' ralalom ru togom makaasi' Aku rirun.” Gini noyo ragu ri Aki Kapuuno' Mamamayag rirun.

IMAMAT 18:5

Suguto' ngaangai' ukum am susuban ondo' taakin Kuno ramuyun. Ulun ondo' mambaal raginio maayag. Aku noyo Tuhan.”

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

JUANIS 8:47

Osoi ayuk intor ri Aki Kapuuno', mangkirongog ra ragu Nano. Kaa' akau sala' ka intor ri Aki Kapuuno', ginio sabap boo ra akau kalo mangkirongog Riso.”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

MAZMUR 119:112

Nakai' noyo guang kuno koson gumagaya' ra ukum Muno saboi ru painawo kuno.

MAZMUR 89:28

Pasaukon Ku io ra buayoi Kuno ra katuaan, am masauk ra sangulun raja' ondo' matulai kaga' ra tana' ti.

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

MATIUS 13:16

Kaa' akau, mumpara' boo bonsoi mino! Makakito mato mino, am mokorongog talingo mino.

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

2 TUNUNG RU BANSA' ISRAIL 6:42

Iou Tuhan i Aki Kapuuno', pai' impayi' raja' ondo' pinili' Mu noyo. Karaa' togom Muno ra ulipon Muli i Daut.”

MAZMUR 119:175

Gama' maayag aku maa' raginio mokopongompor aku Rirun; gama' nangatangan Muno mangindangan raki'.

JISAYA 51:4

“Rongogo' noyo bolos Kuno, akau bansa' Kuno, Rongogo' noyo ragu-ragu Kuno, akau ulun Kuno. Mangila' Aku ra bansa'-bansa', ngaangai' ukum Kuno manaak risilo ra sinda.

JISAYA 54:10

Kabalu' pana gunung-gunung am bulur-bulur mauyog, kalo langgain Ku monogom rirun. Nabantuan pababansayan Kuno masalok Ku guuton,” kon ru Tuhan ondo' monogom rirun.

JIRIMIA 38:20

Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.

YEHEZKIEL 16:60

Kaa' suguton Ku nabantuan ondo' binaal Kuno rirun paat ra okou mamulok ayuk poyo. Baalon Ku nabantuan ondo' masauk ra sabuoi-buoi no rirun.

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

AMOS 5:4

Indagu Tuhan ra ulun ru Israil, “Saguli' kano Raki', am akau pana maayag.

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

2 SAMUIL 7:29

Kitaakon kuno, kasaga' noyo mambarakat ra papag kuno maa' raginio marayus ilo makaliman ra togom Muno ra sabuoi-buoi no. Iou Tuhan Raja', ngaangai' ti binantu' Mu noyo, ginio ra papag kuno mantilayun barakaton Mu ra sabuoi-buoi no.”

MAZMUR 89:29

Tagamin Ku io toojo, am nabantuan Kuno riso mantilayun ra sabuoi-buoi no.

AMSAL 7:2

Gagayaa' noyo panusuban kuno, maa' raginio maayag kau. Pagigilai' min sumugut ra pangilaan kuno koson niayuk ra akau magalung ra mato min galama'.

YEHEZKIEL 34:25

Makimabantu' Aku risilo ondo' makapamayag risilo. Unjawon Ku ngaangai' bibiag masigo intor ra pagun no, maa' raginio domba-domba Kuno maayag ra matanda' giu' ra padang am mombolong giu' ra kataunan.