JISAYA 54:1 - Tanou Moonsoi Timugon

¹ Jirusalim, galing i okou koson ra ruandu' tabanang ondo' kalo igondo' maganak. Kaa' ragino pagilakup no, am parimbai no maansukan! Sabap ra anak-anak muno masuang kaga', nakasail poyo intor ra anak ru ruandu' ondo' kalo tinatang ru ralaki.

JISAYA 54:1 ပူးပေါင်းရင်းမြစ်များ

GALATIA 4:27

Mokoondo' tinulisan ra Buuk Kitab ra: “Pakaansuk no, ruandu' ondo' tabanang! Pagitatapap am pampiau mabaya' ra kaansukan, okou ondo' kalo igondo' karuali' ra maganak! Ruandu' inimpayan makaanak ra masuang intor ra ruandu' ondo' masimpung ra ralaki nano.”

JISAYA 62:4

Kalo boo sabiton kou “Ondo' Tinatang”, pagun muno kalo boo sabiton “Ondo' Masilukan”. Kaa' sabiton kou “Ondo' Tagamin ri Aki Kapuuno'”, pagun muno sabiton “Ondo' Nakapaguot” sabap ra Tuhan maansayan rirun, am masauk koson ra ralaki ru pagun muno.

1 SAMUIL 2:5

Ulun ondo' naasug ragili, raino ti moonsoi mangandoi ra maginakan; kaa' ondo' nangaitilan ragili, raino ti nangaasug boo. Andu' ondo' tabanang naganak ra tulu' ngaulun anak, kaa' ina' ondo' makaanak ra masuang, tinatang am pinoloso naimbolo'.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MAZMUR 113:9

Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo Tuhan!

JIPANYA 3:14

Akau ulun ru Israil, pakaansuk kano am parimbai! Akau mamagun ru Jirusalim, pakaansuk kano ra totopot ru guang!

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 49:20

Anak-anak ondo' inanak giu' ra pamatiran mindagu ilo rirun, ‘Pagun ragitio boborok guat kaga' raki', anii' aku ra intok maa' raginio makaayan aku ragiti.’

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

RIMBAI PANGAMPARAN 8:8

Mokoondo' sangulun boborok mai ra ruandu', ondo' lakat poyo boborok titi' nano. Atan kia musiti' mai baalon amon ru buayoi matong mongoi panamung riso?

KASAUKAN 21:6

Indagu i Sara, “Napakurit i Aki Kapuuno' raki' sabap ra maansukan. Moonong ulun makaining ra baal raginio ondo' makakurit ra maansukan mabaya' raki'.”

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 24:14

Ulun naayag marimbai maansukan. Ulun tampilon ra kalasaan mapatanou ra katulayan ru Tuhan,

JISAYA 49:19

Pagun muno ondo' mapua' am masiluk, ragino nasauk mapisok kaga' ra ilo ondo' makaguang mayan no. Am ulun-ulun ondo' makaguang mamatoi rirun, minugar noyo maalur intor rirun.

JISAYA 66:7

Bandar Kuno ra matulai koson ra sangulun ruandu' maganak ondo' kalo marualan.