JISAYA 53:4 - Tanou Moonsoi Timugon

⁴ Sotopot no maruol takano ibain nano, kapaganan takano mangkinibit ra io maimbolo', indoson takau kaimbalaan nano ukuman ri Aki Kapuuno' riso.

JISAYA 53:4 ပူးပေါင်းရင်းမြစ်များ

MAZMUR 69:26

Polosoon noyo pangkiman nilono masiluk, polosoon noyo ngaangai' minayan ra kim no mapuso.

MAZMUR 69:27

Imboloon nilo ulun ondo' inukum Muli; ruangin nilo poyo maruol ru ulun ondo' pinilatan Muli.

MAZMUR 69:8

Sabap ra Okou noyo, nangkinibit raki' inasaban, am nauyu' aku toojo.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

IMAMAT 16:10

Kambing ondo' napili' ra tayar ru Ajajil, musiti' pataakon ra io biag no ra Tuhan, am palabuson giu' ra tana' kaagisan tayar ru Ajajil maa' raginio tula ru ulun ru Israil pusoon.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MATIUS 26:37

Inibit ri Jisus i Pitrus am karuo anak ri Jibidius. Mangiluk toojo guang ri Jisus am malimanan No kaimbalaan.

MATIUS 8:17

Gitio binaal i Jisus maa' raginio masauk boo ragu ru nabi Jisaya, “Io galama' nagibit ra kapaganan am napainggalur ra atan ayuk maruol takau.”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

ROMA 4:25

Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.