JISAYA 53:3 - Tanou Moonsoi Timugon

³ Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JISAYA 53:3 ပူးပေါင်းရင်းမြစ်များ

MAZMUR 69:29

Polosoon noyo inggalan nilono malulu' intor ra buuk ru ulun maayag, am kalo matulisan ra pamatikan ra inggalan ru ulun Muno.

MAZMUR 88:4

Masuang kaga' kapaganan lumumpa' raki'; kapatayan maaja' nakaibol noyo ra kulobon.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

JISAYA 52:14

Galing i masuang ulun makatigog magilong riso, bulos nano pinilatan saboi koson sala' boo ka ulun.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

JISAYA 53:4

Sotopot no maruol takano ibain nano, kapaganan takano mangkinibit ra io maimbolo', indoson takau kaimbalaan nano ukuman ri Aki Kapuuno' riso.

MIKA 5:1

Indagu Tuhan, “Okou Bitligim Iprata, okou rorondo' bandar ondo' boborok kaga' giu' ra pagun ru Jiuda, kaa' intor rirun aniin Ku Israil ra sangulun panguasa'; intor ru kinamatuaan nano timinalimpuun intor ra galing i ayuk poyo.”

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

MATIUS 26:67

Taam ilo, “Io ti makasala, musiti' potoyon.” Tiwagi' nilo boo bulos ri Jisus am lambaa' am ulun ondo' nampalapis Riso no

MATIUS 27:63

am indagu, “Tuan, makara' mai paat magagabau no naayag, nakaindagu Io, ‘Mopongo kataluan bayagon Aku saguli'.’

MARKUS 10:33

Indagu Io, “Rongogo' min. Raino mongoi takau ra Jirusalim. Giu' i Anak ru Ulun pataakon ra tingganai imam Jaudi am mangingila' ra Ukum ri Musa. Ukumin nilo Io ra potoyon am pataakin nilo ra ulun sala' ka Jaudi.

MARKUS 10:34

Mangiis ilo Riso, tiwagin Io, loposon Io, potoyon Io kaa' malupus kataluan maayag Io saguli'.”

MARKUS 14:34

“Mangiluk kaga' guang Kutu, koson matoi pampalimanan Kuno. Paginaa kau ragiti am pai' kau pombolong,” ragu Nano ra katalu ngaulun pinaaya' Nali.

MARKUS 15:19

Lambaa' nilo ulu ri Jisus ra tataun, tiwagi' nilo Io, igulatur samba ilo Riso.

MARKUS 9:12

Taam i Jisus, “Topot, i Ilia matong pagulu koson momongo ra ngaangai' no, kaa' ati kulaan ra Anak ru Ulun? Nogondo' ra tinulisan ralalom ru Buuk Kitab ra Io imboloon am anggalon ru ulun.

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 19:41

Maar makasuku' ra bandar no, tantangin ri Jisus am tangii' No,

LUKAS 8:53

Nangiis ilo ri Jisus sabap ra nakapandai ilo ra anak ruandu' no minatoi noyo.

LUKAS 9:22

Tungguli' ri Jisus, “Anak ru Ulun musiti' maimbolo' toojo am anggalon ru tingganai ru ulun ru Jaudi, tingganai imam Jaudi am mangingila' ra Ukum ri Musa. Potoyon io, kaa' malupus kataluan bayagon Io saguli'.”

JUANIS 11:35

Pantangi' boo i Jisus.

JUANIS 8:48

Taam ilo Riso, “Motopot ragu mai ra Okou ti noyo ulun ru Samaria ondo' sinubol ru riwato.”

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.