JISAYA 53:2 - Tanou Moonsoi Timugon

² Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

JISAYA 53:2 ပူးပေါင်းရင်းမြစ်များ

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 52:14

Galing i masuang ulun makatigog magilong riso, bulos nano pinilatan saboi koson sala' boo ka ulun.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

MARKUS 6:3

Sala' ka kia Io ti sangulun manambaloi, anak ri Maria, pabukat ri Jakubus, i Josis, i Judas am i Simon? Sala' ka kia pabukat-pabukat ruandu' Nano soroi ritakau?” Ginio ra kalo boo nangapu ilo Riso.

MARKUS 9:12

Taam i Jisus, “Topot, i Ilia matong pagulu koson momongo ra ngaangai' no, kaa' ati kulaan ra Anak ru Ulun? Nogondo' ra tinulisan ralalom ru Buuk Kitab ra Io imboloon am anggalon ru ulun.

LUKAS 2:7

Naganak io ra sangulun lalagang ungkuyon. Gitio anak nano ra katuaan. Kusibi' no lalagang no ra konoon am palangano' ralalom rondo' papaakanan ra bibiag sabap ra kolondo' intok pambalangan natuum nilo ra giu'.

LUKAS 9:58

Taam i Jisus, “Munin mokoondo' ra luang no galama' am susuit ra bunsut no galama', kaa' Anak ru Ulun kolondo' intok luyaan am tangusan.”

JUANIS 18:40

Golok ilo, “Kalo! Sala' ka Io! Palabuso' ramon i Barabas!” (I Barabas ti sangulun teroris.)

JUANIS 19:5

Ingkual boo i Jisus, pinangkaraun ra bulisang makaruui am pinambayang ra sukub matanggilung. Indagu i Pilatus risilo, “Ilai' noyo ulun ti!”

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 PITRUS 2:14

kapoam gabenor-gabenor ondo' sinusub mangukum ra ulun ondo' mambaal ra malaat am niayuk mangurumat ra ulun ondo' mambaal ra moonsoi.