JISAYA 53:11 - Tanou Moonsoi Timugon

¹¹ Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JISAYA 53:11 ပူးပေါင်းရင်းမြစ်များ

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JISAYA 49:3

Ragu No raki', “Okou noyo ulipon Kuno; katulayon Aku sabap ra okou.”

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

JISAYA 53:8

Rinakop io am inakim, am binuntayang am inukuman ra matoi. Kolondo' mampalio riso; io minatoi sabap ra tula ru bansa' takau.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

JUANIS 16:21

Paat ra sangulun ruandu' matipaganak, magalabo io sabap ra masaboi noyo maruol ru maganak nano. Kaa' maanak no ayuk lalagang no, maansukan io am kalo boo makara' no maruol nali sabap ra sangulun lalagang inanak noyo ra tana' ti.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

ROMA 4:24

kaa' ritakau niayuk. Itakau niayuk apuon ri Aki Kapuuno' koson ra ulun ondo' mobonsoi saguli' Riso, sabap ra mangintopot takau Riso ondo' nampakaayag ri Jisus, Tuhan takau, intor ra kapatayan.

ROMA 5:9

Raino itakau mobonsoi saguli' ri Aki Kapuuno' mansail ra pinatayan ri Kristus. Intor raginio maaru' bayagon takau ri Kristus intor ra sangit am ukum ri Aki Kapuuno'.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

2 JUANIS 1:1

Okou ina' ondo' pinili' ri Aki Kapuuno' am niayuk akau anak-anak nano. Aku magagalung ra pasimpungan ulun Kristian ondo' topot-topot motogom ramuyun. Sala' ka aku ayuk sangulun kaa' ngaangai' ulun ondo' makaulig ra katapatan motogom ramuyun.

2 JUANIS 1:3

Gama' ru Ama' takau, i Aki Kapuuno', am Anak Nano i Jisus Kristus manaak ritakau ra barakat, asi' am pabansayan: Gama' ru ngaangai' ragitio maapu takau ra guang motopot am motogom.