JISAYA 53:10 - Tanou Moonsoi Timugon

¹⁰ Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

JISAYA 53:10 ပူးပေါင်းရင်းမြစ်များ

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

MAZMUR 21:4

Minatong Kou riso am napataak Kou ra barakat ondo' mauli', am pinasampak Mu karaun mas ra ulu nano.

MAZMUR 22:30

Ngaangai' ulun malilimbau igugulatur Riso; ngaangai' ulun igugulatur ra saang Nano.

MAZMUR 22:31

Papag ra orou matong no niayuk mangandoi ayuk Riso; inggalan ru Tuhan sunuron ru ulun ra papag nilono.

MAZMUR 69:26

Polosoon noyo pangkiman nilono masiluk, polosoon noyo ngaangai' minayan ra kim no mapuso.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

MAZMUR 89:29

Tagamin Ku io toojo, am nabantuan Kuno riso mantilayun ra sabuoi-buoi no.

MAZMUR 89:36

Ralalom inggalan Ku ra matulai, igondo' aku ayuk mambaal ra bantu' ra sabuoi-buoi no, kalo magabau Aku ri Daut.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

JISAYA 49:4

Kaa' mindagu aku, “Bagui kuno kolondo' ampos; kinai' ku ikang kuno ra namuta' ayuk!” Kaa' mangintopot aku ra saungon aku ru Tuhan; balasin aku ri Aki Kapuuno' sumugut ra binaal kuno.

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

JISAYA 54:3

Rumuang langka' muno mongoi ra pamiris am kait, namagun muno mayan ra tana' ru bansa'-bansa' am mayan ra bandar-bandar ondo' ragino ti masiluk kaga'.

JISAYA 61:9

Papag nilono mauligan kaga' ra ati ayuk intok, anggagakon ra ginio ngai' ru bansa'; moonong ulun ra makakito makapandai ilo ra ilo noyo bansa' ondo' binarakat Kuno.”

JISAYA 66:22

Koson ra limbowon bagu am tana' bagu mantilayun sabap ra kuasa' Kuno, koson raginio niayuk ra papag mino am inggalan mino mantilayun.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

JUANIS 13:32

Amon ru i Aki Kapuuno' katulayon ralalom Riso, katulayon Io niayuk ri Aki Kapuuno' galama', am pongoon No ginio ra mataki'.

ROMA 6:9

Sabap ra napandayan takau ra binayag noyo i Kristus intor ra kapatayan am kalo boo matoi Io. Kapatayan no kalo boo manguasa' Riso.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

ROMA 8:8

Ginio nai ra ulun ondo' maayag maya' ra paliso ru ulun, kalo makapapabansuk ra guang ri Aki Kapuuno'.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

IBRANI 2:13

Minindagu Io poyo, “Aku lumansan ri Aki Kapuuno'.” Am poyo, “Ilai', Aku giti mabaya' ra pabukat Kuno ondo' pinataak ri Aki Kapuuno' Raki'.”

IBRANI 7:27

Moonong orou Tingganai Maayo Imam ra bokon mampataak ra taak simbalui sabap ra tula ru ulun am tula nilo galama', kaa' i Jisus sala' ka koson raginio. Igondo' ayuk nampataak Io ra kaayagan Nano galama' am ginio sama' ra sabuoi-buoi no.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.