JISAYA 52:7 - Tanou Moonsoi Timugon

⁷ Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 52:7 ပူးပေါင်းရင်းမြစ်များ

NAGUM 1:15

Ilai', sangulun sinusub matong mansail ra gunung-gunung koson mampasaboi ra tanou moonsoi. Matong io koson mampatanou ra kamanangan! Mamagun kau ngai' ru Jiuda, pangiantak kano ra pangiantakan min am suguto' noyo nazar ondo' binantu' min ri Aki Kapuuno'. Ulun malaat totopot kalo boo mamulunsar ra pagun min. Pinuso ilo noyo ra malingon.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

IPISUS 6:15

Am poyo kapiratan ru guang mino mampabala' ra Tanou Moonsoi ondo' magibit ra pabansayan ti, koson ra kasut min.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

MAZMUR 68:11

am ulun Muno mayan ra giu'; ralalom kinoonsoi Muno, alungin Mu ulun musikin.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

MARKUS 13:10

Tanou Moonsoi ti musiti' pabalaan galing ra ngaangai' bansa'.

PINAINTALANG 14:6

Kakito ku boo rondo' malaikat ra bokon mansiab ra masawat. Malaikat no nagibit ra Tanou Moonsoi ondo' mantilayun koson pabalaan ra ulun ru tana' ti, ioginio ra moonong papag, ragu, bansa' am pagun.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

RIMBAI PANGAMPARAN 2:8

Maining ku bolos ru ambai kuno. Nasimbul io mongoi raki' mansail ra bulur am gunung.

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

MAZMUR 96:10

Pabalaa' noyo ra ngaangai' bansa', “Tuhan noyo raja'! Piniot No tana' ti am kalo boo mauyog; mangakim Io ra ngaangai' bansa' ra sotopot-topot no.”

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

MAZMUR 59:13

Sabap ra natulaan ilo ru raguon nilono, polosoo' limbau nilono manguasa' risilo. Sabap ra magibot am magabau ilo,

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

JISAYA 41:27

Aku Tuhan, Aku noyo nakapagulu napatanou ra babaal raginio ra Sion; Aku nangator ra ulun sinusub giu' ra Jirusalim koson mapasaboi ra tanou moonsoi, ‘Ilai' noyo bansa' mino rumatong! Ilai' noyo ilo minuli'!’

JISAYA 42:11

Moonsoi poyo tana' kaagisan am bandar-bandar nano mongompor ri Aki Kapuuno'; musiti' namagun ru Kidar mongompor Riso! Musiti' namagun ru bandar Sila magilakup intor ra bujuk-bujuk ru gunung!

MAZMUR 98:2

Pabalaan ru Tuhan namanangan Nano; paraguon No katimpakan Nano ra ngaangai' bansa'.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

NAGUM 2:1

Okou Niniwi, tatanga' kou bulunsaron! Ondo' makakuasa' manutuk rirun nakaratong noyo! Alungi' kubu-kubu sindungan! Pagilai' ralan-ralan! Tampos kano mangayou. (