JISAYA 52:5 - Tanou Moonsoi Timugon

⁵ Ragino atan kondoyon Ku ragiti? Mamparakop ulun ru Babil ramuyun ra kolondo' sasaban. Ilo ondo' mangimbolo' ramuyun malilimbau am rayusin nilo magasab Raki'.

JISAYA 52:5 ပူးပေါင်းရင်းမြစ်များ

ROMA 2:24

Sabap ra tinulisan noyo ra Buuk Kitab, “Sabap ra paliso min ulun ru Jaudi, inggalan ri Aki Kapuuno' asabin ru ulun sala' ka Jaudi.”

JIPANYA 1:10

Indagu Tuhan, “Paat ra orou raginio, mokorongog kau ra tangi' giu' ra Garabang Papait giu' ra Jirusalim. Bolos manulaboi morongog intor ra kampung bagu giu' ra bandar no am bolos lumaput ra mosongou mamintanou intor ra bulur-bulur.

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

SULABOI 2:3

Ralalom ru sangit namuso Io ra kaikangan ru Israil; marara' Io mangindangan ritakau paat ra pantula' matong. Sangit Nano ritakau bibilak koson ra apui mangumpo ra ngaangai'.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JISAYA 52:3

Mindagu Tuhan ra ulun Nano, “Akau tinalan ra kolondo' logo, ragino palabuson kau ra kolondo' niayuk logo.

JISAYA 51:23

Kaimbalaan no pataakon Ku ra ulun ondo' mangimbolo' ramuyun, ondo' nanusub ramuyun lumuya' ra tana' am nanginjang-nginjang ramuyun, koson ayuk ra ralan ondo' bayain ru ulun.”

JISAYA 51:20

Moonong pompor ru ralan ulun-ulun muno maratu' kolondo' lulu' koson ra tambang nakasulung ra jajaling. Nalumpa' ilo ra sangit ru Tuhan, am matiu' ra sangit ri Aki Kapuuno' Muno.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 37:28

Kaa' napandayan Ku ngai' nansalinut baal muno: nansalinut binaal muno ra ati ayuk inongoi muno. Makapandai Aku ra sumangit kou kaga' Raki'.

JISAYA 37:6

gitio taam nati: “Tuhan minindagu rirun raja' ra kalo pana malaa' ra ulun ru Asyur ondo' mindagu ra Tuhan kalo makapamayag rirun raja'.

JISAYA 22:16

“Indos mu osoi kia okou ti? Atan kuasa' muno saboi okou galama' nambaal ra luang ru lobong muno galama' giu' ra bulur batu?

MAZMUR 74:18

Kaa' karaa' noyo, iou Tuhan, ati kulaan pantula' Muno magasab Rirun; kalo makaulig ilo Rirun am magasab ilo Rirun.

MAZMUR 74:10

Saboi sanggilan, iou Aki Kapuuno', pantula' maino magasab Rirun? Sabuoi-buoi no kia ilo magasab Rirun?

MAZMUR 44:16

Monsongorou aku asabin, am mauyu' boo pangkaraan,

MAZMUR 44:12

Polosoon Mu akai simbaluyon koson ra domba, pinantutuliar Mu akai ra pagun suai.

TINGGANAI RU BANSA' 18:3

Paat ilo ra giu' no, nauligan nilo lalayuk ru ragu ru ungkuyon mamulok ru bansa' ru Liwi no. Ginio ra kuati' nilo io, “Kua giti kou? Atan kuayan muno? Osoi nagibit rirun ra giti?”

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

2 SAMUIL 12:14

Kaa' sabap ra nagasab kou ra Tuhan ra binaal raginio, anak ungkuyon muno ondo' bagu inanak no matoi.”