JISAYA 52:12 - Tanou Moonsoi Timugon

¹² Kalo maajag-ajag kau mugar, am sala' ka koson ra ulun ondo' tumangkus ayuk pagiru'. Sabap ra Tuhan no mangitang ramuyun; i Aki Kapuuno' ru Israil manindung ramuyun intor ra nansalinut pisuk.

JISAYA 52:12 ပူးပေါင်းရင်းမြစ်များ

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

SAGULION 20:4

Tuhan i Aki Kapuuno' min mabaya' ramuyun; manaak Io ramuyun ra kamanangan.’

JISAYA 45:2

“Aku galama' manampos ra ralan no rirun, Gunung am bulur rataan Ku. Garabang tambaga' puuton Ku, am mamandak ra umpok-umpok ru basi'.

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

1 TUNUNG RU BANSA' ISRAIL 14:15

Paat ra akau mokorongog ra bolos kinuralap giu' ra rasawat ru puun-puun tataun no, pamulunsar kano, sabap ra mugar Aku magulu ramuyun koson mangala ra saujor ru Palistin.”

UNTABAN 10:25

Pupus no, ulun ondo' ragana' ru bandira' ra pulalai ondo' tiningganai ru bansa' ru Dan minugar, nansusunu' pulalai am pulalai. I Agiijir anak ri Amisyadai ondo' naningganai risilo. Nasauk ilo ra magalung ra barisan tinaulian ra tayar ru ngaangai' pulalai no.

KAINGKUALAN 12:11

Paat mangakan, musiti' kau makapambayang noyo ra bayang koson mugar; mangkasut kau noyo am mampaguut ra jujuga'. Musiti' kau magindibok mangakan. Ginio noyo pangiantakan Paska koson mangurumat Raki', Tuhan.

TINGGANAI RU BANSA' 4:14

I Dibora pana mindagu ri Barak, “Jalai no! Tuhan mabaya' ramuyun! Paat orou raiti' nanaak noyo Tuhan ra kamanangan ramuyun ri Sisira.” Ginio ra tuun i Barak intor ra Gunung Tabor nabaya' ra mopor ngaribu ulun nano.

KAINGKUALAN 12:39

Nangansak ilo ra ruti' kalo linatakan ra ragi intor ra ruti' makata' ondo' inibit nilo intor ra Misir. Pinagiru' ilo intor ra giu' no ra namulali', saboi kalo nakapanampos ra lutu' kapoam nakapangansak ra ruti' kalo linatakan ra ragi.

KAINGKUALAN 12:33

Nangulisok ulun ru Misir ra ulun ru Israil mangiruan ra pagun nilo ra mataki'. Indagu ulun ru Misir, “Matoi akai ngai' amon ru kalo iruanin min intok ragitio.”

JISAYA 51:14

Nasuangan ulun rinakop palabuson mataki'; kalo maawayan ilo ra akanon, am kalo matoi am lobongon.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 49:11

Mambaal Aku ra ralan maya' ra kagunungan, ngaangai' ralan rataan Ku.

JISAYA 57:18

Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JOSUA 4:11

am paat ra ilo ngaangai' nakasaboi ra sandaup, imam-imam ondo' nansaan ra Kaban Nabantuan ru Tuhan minugar ra saang nilo.