JISAYA 51:9 - Tanou Moonsoi Timugon

⁹ Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

JISAYA 51:9 ပူးပေါင်းရင်းမြစ်များ

AYUP 26:12

Kuasa' ri Aki Kapuuno' manguasa' ra raat; Ragab, pinuso ru kapintaran Nano.

AYUP 9:13

Kalo oroton ri Aki Kapuuno' sangit Nano. Umokon No pantula' Nano, ilo ondo' nangindangan ri Ragab manggal ri Aki Kapuuno'.

MAZMUR 21:13

Pabakison ru raja' no panah nano patingkuangon risilo, am mangkinibit ra ilo maruli' koson kalo makasansal.

MAZMUR 44:1

Mazmur bansa' ri Kora. Sisindiron. Ra tingganai maririmbai.

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

MAZMUR 44:23

Sabap no Okou, moonong orou akai ilalaanon, pamakuan nilo ramon koson ra domba ra simbaluyon.

MAZMUR 44:24

Tirong no, iou Tuhan! Kua kia pombolong Kou? Luat no! Pai' akai impayi' ra sabuoi-buoi no!

MAZMUR 59:4

Ilai' ga magiginaa ilo mampatoi raki'; ulun mangalaat tumimung magawang raki'. Sabap no ra sala' ka aku makatula kapoam nambaal ra kasalaan,

MAZMUR 7:6

polosoo' ayuk pantula' kuno mangilou am mamparakop raki', am potoyon am tatangon nilo aku ra tana'!

MAZMUR 77:5

I Aki Kapuuno' nambaal raki' kalo mokororot; maimamang aku saboi kalo makaindagu aku.

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

MAZMUR 87:4

“Bulintok ra aku mapabatik ra ngaangai' bansa' ondo' gumagaya' Raki', pasubolon Ku niayuk Misir am Babilonia; am poyo Palistin, Tirus am Itiopia, makaaya' ra koson mamagun ru Jirusalim.”

MAZMUR 89:10

Raguin Mu raat ra makakinulun, palinoson Mu kinulun ra masawat simpor.

MAZMUR 89:11

Kuriopolon am potoyon Mu i Ragab; maayo ulun no, am kalaan Mu pantula' Muno ra kaikangan Muno.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JISAYA 30:7

Pangindanganan ondo' pataakin ru ulun ru Misir no kolondo' onong. Ginio ra sabiton Ku Misir no, ‘Tambuakal ra kalo makalalaa'.’ ”

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 51:5

Pamayagan ondo' pataakon Kuno mamaar noyo, bulintok ra Aku mamanang mamaar noyo rumatong. Aku galama' mamarinta ra bansa'-bansa'. Pagun-pagun ondo' maalur magiginaa Raki' am malansan ra baalon Kuno ondo' makaimuag.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 53:1

Timinaam bansa' raginio, “Osoi kia mangintopot ra atan ondo' norongog mai? Osoi kia papasabayan ra kuasa' ru Tuhan?

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

MIKA 7:15

Baalo' noyo ramon kaimuagan-kaimuagan, iou Tuhan, koson ondo' binaal Muli ra galing i, paat ra Okou nagibit ramon miningkual intor ra Misir.

ABAKUK 2:19

Aibui boo ramuyun sabap mindagu kau ra saputul luton, “Tirong no!” kapoam mindagu ra rondo' batu maayo, “Ingkakat no!” Makaindagu kia sinungkalalaing rirun? Maaru' lair sinungkalalaing inangkupan ra pirok am mas, kaa' sinungkalalaing no kalo mamainawo.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

JAKARIA 10:11

Paat ra ilo lumaup ra raat ru kapaganan, Aku, Tuhan mampalamba' ra kinulun ondo' mangimbolo', saboi Sungoi Nil pana mapua' kalingon. Ulun ru Asyur ondo' lumimbau mampainggana' ra guang, am Misir ondo' maikang kaga' matatakan ra kuasa'.

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

LUKAS 1:51

Mampakito Io ra kuasa' Nano am mampatuliar ra ulun-ulun mangasumbung.

JUANIS 12:38

koson nasugut boo bala' pinasaboi ru nabi Jisaya: “Tuhan, osoi kia mangintopot ra pambalaan mai? Osoi nua' papakitanan ra kuasa' ru Tuhan?”

RINALATAN 7:7

Kaa' ukumin Ku bansa' ondo' mangulipon risilo am makaingkual ilo intor ra pagun no am makasamba ilo raki' ra intok ragitio.’

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

PINAINTALANG 11:17

Konilo, “O Tuhan, i Aki Kapuuno' Maayo Kaga' Kuasa', ondo' raino am galing i pana soroi! Maringkuanang akai Rirun sabap ra nampaintalang Kono ra kuasa' maayo Muno, am tumalimpuun noyo mamarinta!

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

TINGGANAI RU BANSA' 6:13

Indagu i Gidion riso, “Iowo' noyo aku mangkuot. Amon ru topot Tuhan mabaya' ramon, kua kia ngaangai' ti nasauk ramon? Ati kia ngaangai' baal makaimuag ondo' igondo' binaal ru Tuhan ragili, ondo' tinunung ru kinamatuaan mai intor ra Tuhan napaingkual risilo intor ra Misir? Raino nangiruan Tuhan ramon am nopoloso ramon ra kuasaan ru ulun ru Midian.”